भरतपुर/आचार्य होल्डिङ्ग गु्रप अन्तर्गत रहेको टाटा पेन्टस् एण्ड केमिकल्स इण्डष्ट्रिज प्रा.लि.ले आफ्ना डिलर्स र डिपोहरुको लागि “टाटा पेन्टस् २०८१ पौष महिनाको लागि स्किम योजना” ल्याएको छ । विगत १५ वर्षदेखि आफ्नो सेवाको माध्यमहरुबाट नेपालभरी ६ सयको हाराहारीका डिलर्स र डिपोबाट आफ्नो सेवा बिस्तार गर्दै आएको टाटा पेन्टस् ग्राहकहरुको मन, मस्तिष्कमा बस्न सफल भएको छ ।
चितवनको भरतपुरलाई मुख्य कार्यक्षेत्र बनाई आफ्ना सेवाहरु मार्फत कारोबार गर्दै आईरहेको टाटा पेन्टस् एण्ड केमिकल्स इण्डष्ट्रिज प्रा.लि.ले विभिन्न समयमा ग्राहकहरुलाई लाभ पुग्ने खालका विशेष योजनाहरु ल्याउने क्रममा पौष महिनाको लागि “टाटा पेन्टस् २०८१ पौष महिनाको लागि स्किम योजना” ल्याईएको आचार्य होल्डिङ्ग गु्रपका अध्यक्ष प्रकाश आचार्यले जानकारी दिनुभयो ।
देशैभरी छरिएर रहेका आफ्ना डिलर्स र डिपोहरुलाई मध्यनजर गर्दै पौष महिनाको लागि १००० लिटर टाटा सिमेन्ट प्राईमर एक्स्टको खरिदमा ५ बकेट अर्थात १०० लिटर, १००० लिटर टाटा सिमेन्ट प्राईमर इन्टको खरिदमा ५ बकेट अर्थात १०० लिटर, ५०० लिटर टाटा लुकोल इमुल्सनको खरिदमा ६० लिटर ड्यामप्रुफ वा लुकोल इमुल्सन र ५०० लिटर टाटा अल्टी इमुल्सनको खरिदमा ६० लिटर ड्यामप्रुफ वा अल्टी इमुल्सन लगायतका छुट योजना ल्याएको प्रा.लि.ले जनाएको छ ।
आचार्य होल्डिङ्ग गु्रप अन्तर्गत टाटा पेन्टस् एण्ड केमिकल्स इण्डष्ट्रिज प्रा.लि., प्रकाश एण्ड कम्पनी प्रा.लि., मनकामना युपिभिसि झ्याल ढोका संसार प्रा.लि., होटौडा रबर उद्योग प्रा.लि., टाटा एग्रो फार्म प्रा.लि., जस्मिन इन्भेष्टमेण्ट कम्पनी प्रा.लि. लगायत आधा दर्जन भन्दा बढी उद्योग प्रतिष्ठानहरु आवद्ध रहेका छन् ।
