चराहरू र तिनीहरूको वासस्थानको संरक्षण गर्न चरा संरक्षण सचेतना कार्यक्रम भरतपुर–२६, दिव्यनगरमा आगामी नोभेम्बर २०२४ मा आयोजना हुने भएको छ। यो कार्यक्रम नेचर गाइड एसोसिएसन चितवनद्वारा आयोजना गरिंदैछ। कार्यक्रममा चरा संरक्षणमा संलग्न विभिन्न संघसंस्थाहरूको भूमिका महत्वपूर्ण रहने छ। संरक्षणका लागि समुदायलाई जागरूक गराउने उद्देश्यसहित आयोजना गरिएको यो कार्यक्रममा स्थानीय चरा प्रजातिहरूको संरक्षण, उनीहरूको वासस्थानको रक्षा, र जैविक विविधताको महत्वबारे जनचेतना अभिवृद्धि गरिनेछ।
कार्यक्रममा प्राविधिक सहयोगमा नेपाल पन्छी संघ, नेपाल पन्छीविद् लगाएतका संस्था रहनेछन । यस अवसरमा सहभागीहरूले चराको महत्व र संरक्षणका उपायहरूबारे विभिन्न प्रस्तुति र छलफल गर्ने अपेक्षा गरिएको छ। साथै दिव्यनगर फार्मल्याण्डमा जाडो छल्न आउने चराहरुको बारेमा त्यसको संरक्षण र पाउना चराहरुलाई सहज बसाईको लागि स्थानिय वासिन्दा तथा किसानहरुलाई मेघौली घटघाई नेचर गाईड एसोसिएसनका अध्यक्ष मनेश लिम्वुले आग्रह गर्नुभएको छ । चरा र तिनीहरूको वासस्थानको संरक्षणमा हातेमालो गरौं भन्ने नाराका साथ यो कार्यक्रम सफल बनाउन सबैको सक्रिय सहभागिता अपिल गरिएको छ।
