चितवन/चितवन सहित विश्वमा आजदेखि लैंगिक हिंसाविरुद्धको १६ दिने अभियान सुरु भएको छ । १० डिसेम्बरसम्म विश्वभर चल्ने यस अभियान अन्तरगत चितवनमा पनि ‘हामी सबैको प्रतिबद्धता, लैंगिक हिंसा अन्त्यको लागि ऐक्यबद्धता’ भन्ने नाराका साथ सुरु भएको छ ।
जिल्ला प्रहरी कार्यलय चितवनको आयोजना आर्थिक समाजीक सेवा समाज चितवन, माईति नेपाल चितव, चितवन सक्रिय प्रतिष्ठान लगायत बिभिन्न संघ संस्थाको सहयोगमा ¥याली सहितको कार्यक्रम सम्पन्न भएको छ ।
जिल्ला प्रसाशन कार्यलय चितवनबाट बिभिन्न बाजागाजासहित शुरु भएको ¥याली चौबिसकोठीमा आएर कोण सभामा परिणत भएको थियो । कार्यक्रममा बिभिन्न सचेतना मुलकका पम्प्लेटहरु प्रदर्शन गरएको थियो । भने हिंसाका घटनाहरुको बारेमा सडक नाटकको माध्ययमबाट सचेतना जगाईएकोे थियो ।
कार्यक्रममा प्रमुख अतिथि जिल्ला समन्वय समिति चितवनका प्रमुख नारायण अधिकारीले लैंगिक हिंसा न्यनीकरणका लागि आफ्नो तर्फबाट सक्दो प्रयास गर्ने प्रतिवद्धता जनाउनु भएको छ । उहाँले हिंसा न्युनीकरणका लागि सबैजना आ आफ्नै तर्फबाट सचेत हुनुपर्नेमा जोडदिनु भयो ।
जिल्ला प्रहरी कार्यलय चितवनका प्रमुख, प्रहरी उपरीक्षक (एसपी) गौतम मिश्रको अध्यक्षतामा सम्पन्न कार्यक्रममा प्रमुख जिल्ला अधिकारी प्रकाश पौडेल, भरतपुर महानगरपालिकाका उपप्रमुख चित्रसेन अधिकारी, माईति नेपाल चितवनका संयोजक ईश्वर गिरी लगायत बिभिन्न संघसंस्थाका प्रतिनिधिहरुको सहभागीता रहेको थियो ।
नेपाल सरकारले हरेक वर्ष नोभम्बर २५ देखि डिसेम्बर १० सम्म लैंगिक हिंसाविरुद्धको राष्ट्रिय अभियान सञ्चालन गर्ने र नोभेम्बर २५ तारिखलाई महिला हिंसाविरुद्धको राष्ट्रिय अभियान दिवसको रुपमा मनाउने निर्णय गरेको थियो ।
सन् १९८० देखि नै विभिन्न मुलुकले महिलामाथि हुने हिंसाविरुद्धको दिवस मनाउँदै आए पनि सन् १९९९ मा संयुक्त राष्ट्रसंघले यसको अनुमोदन गरेपछि महिलामाथि हुने हिंसाविरुद्धको विभिन्न अभियान सुरु भएको इतिहास छ ।
