चितवन/पबित्र तिर्थस्थल देवघाटमा निम्वार्क बैष्णव द्धितीय राष्ट्रिय महासम्मलेन हुने भएको छ । मङ्सिर ५ गते देखि ८ गने सम्म हुने महासम्मेलनमा देश तथा बिदेशबाट सन्त–महन्त एबं भक्तजनहरु गरी ५ हजार जनाले भाग लिने आयोजकले जनाएको छ । महासम्मेलन आयोजक समितिले आज देवघाटमा पत्रकार सम्मेलनको आयोजना गरी महासम्मेलनको तयारी अन्तिम चरणमा पुगेको जनाएको हो । सम्मेलनका संयोजक आचार्य हरिशर उपाध्याय पौडेलले सम्मेलनमा सहभागी हुनका लागि भारतका बिभिन्न धार्मीक स्थानहरुबाट पीठाधीशहरु नेपाल आउने क्रम सुरु भएको जानकारी दिनुभयो । वैष्णव धर्मावलम्बिहरु बिच एकता कायम गर्नका लागि यो सम्मेलनको आयोजना गरीएको उहाँले बताउनुभयो । पौडेलका अनुसार जगद्गुरु, धर्माचार्य, सन्त–महन्त, मठाधीश, पीठाधीशहरु आज साँझ सम्ममा देवघाट आईपुग्नुहुने छ ।

कार्यक्रममा निम्र्बाक सम्प्रदायको बैशिष्ट्यमाथि प्रकाश पर्ने, सनातन धर्म रक्षाका लागि पु¥याईएको योगदानको बारेमा समीक्षा, वैदिक सनातन धर्मको उन्नयनमा निम्बार्क भगवानको योगदान लगाएतका बिषयमा छलफल हुने जगदगुरु मोहन शरण देवाचार्यले जानकारी दिनुभयो । सम्मेलन सम्पन्न गर्न रु ४० देखि ५० लाख खर्च हुने अनुमान गरिएको छ ।