भरतपुर/आई एस ओ चितवनको को वार्षिक कार्यतालिका अनुसार अन्तर विद्यालय छात्रा ब्याडमिन्टन टुर्नामेन्ट २०८१ को वार्षिक अतिरिक्त क्रियाकलाप कार्यतालिका अनुसार २०८१ साल ७ महिना ३० गते आई एस ओ चितवनको आयोजना र गोल्डेन फ्युचर एकेडेमीको सह आयोजनामा कार्यक्रम सम्पन्न भयो ।कार्यक्रम मा आइ एस ओ चितवनका अध्यक्ष वेदनिधि अर्याल को अध्यक्षता भरतपुर महानगरपालिका वडा नम्बर २५ का वडा अध्यक्ष छविलाल सापकोटा को प्रमुख आतिथ्यता तथा| विशिष्ट अतिथि प्याप्सन चितवनका उपाध्यक्ष एवं जनप्रिय पब्लिक स्कुल भरतपुर १९ का प्राचार्य भानुभक्त अर्याल लगाएत को उपस्थिती मा भएको कार्यक्रम गोल्डन फ्युचर एकेडेमीका अतिरिक्त क्रियाकलाप प्रमुख रुपेश सुनारले सञ्चालन गरेका थिए । छात्रा ब्याडमिन्टन प्रतियोगिताको प्रथम स्थान उषा इङ्ग्लिस स्कुलका अलिसा बिक र मनिषा गुरुङ, द्वितीय ब्राइट स्टार इङ्लिस स्कुलका सस्मी भुजेल र प्रतिमा विक, तृतीय स्थान एभरेस्ट एकेडेमीका छात्रा रश्मी पौडेल र बीपीशा क्षेत्री तथा शान्तना पुरस्कार गोल्डेन फ्युचर एकेडेमीका छात्रा कुसुम श्रेष्ठ र इलिजा खड्का रहेका थिए | स्वागत मन्तव्य गोल्डेन फ्युचर एकेडेमीका प्राचार्य हिरलाल अधिकारीले गरेका थिए । प्रमुख अतिथिको सापकोटाले खेलको माध्यमबाट विद्यार्थीहरूमा अनुशासन कायम गर्ने भनाइ व्यक्त गरेका थिए भने अध्यक्ष अर्यालले सहभागी सबैलाई धन्यवाद दिँदै कार्यक्रम सम्पन्न गर्नुभयो ।