भरतपुर २९ सत्र किलोमा बिहान करिव ३ बजे इलेक्ट्रीक माइक्रो बस र बस ठक्कर खादा ४ जनाको ज्यान गएको छ। मुग्लिङबाट नारायणगढ तर्फ जादै गरेको बागमती प्रदेश०६–००१ ज ०२९८ नम्बरको इलेक्ट्रिक माइक्रो बस र नारायणगढबाट मुग्लिङतर्फ आउदै गरेको बागमती प्रदेश०३–००१ ख २८१२ नम्बरको बस एक आपसमा ठक्कर खाँदा चार जनाको मृत्यु भएको चितवन प्रहरी जनाएको छ। माइक्रोमा सवार गोर्खा आरुघाट–१ मान्बु बस्ने वर्ष ४० का राज बहादुर गुरुङ, नामथर वतन नखुलेकी अन्दाजी ४० वर्षकी एक महिला, अन्दाजी ३०–३५ वर्षका दुई पुरुषको मृत्यु भएको हो । सो दुर्घटनामा अन्य चार जना घाइते भएकोमा दुई जनाको अवस्था गम्भीर रहेको प्रहरीले जानकारी दिएको छ । बस चालक मकवानपुर हेटौडा उपमहानगरपालिका–९ बस्ने बर्ष ४४ को सुर्य बिक्रम बिष्टलाई प्रहरीले नियन्त्रणमा लिएको छ । बसका सहचालक सामान्य घाइते भएका छन।