चितवन । चितवनको भरतपुर २४ स्थित लक्ष्मण चोकमा बोलेरो गाडीले स्कुटर र मोटर साइकल ठक्कर दिदा इच्छाकामना ५ मुग्लिनकी ३७ वर्षीया रामकुमारी गुरुङ `विन्दु´को ज्यान गएको छ । सोही दुर्घटनामा परि मुग्लिनकै यो ३१ वर्षिय सोजन शेरचन गम्भीर घाइते भएका छन् ।
आज करिब पौने ११ बजे तिरको समयमा भरतपुर महनगरपालिका २४ लक्ष्मणचोक मा प्र ३-०१-०२४च ४९९३ नं. को बोलेरोले बा.प्र.०३-००१ प ३६५६ नं.को मोटरसाइकल र प्रदेश ३-०३-००१प ८८८२ नं. को स्कुटरलाई ठक्कर दिदा ३ जना घाईते एका थिए । घाइते भएका उनिहरुलाई उपचारको लागी पुरानो मेडिकल कलेज भरतपुर तर्फ पठाईएकोमा स्कुटरमा सवार महिला `विन्दु´को ज्यान गएको जिल्ला प्रहरी कार्यालय चितवनले जानकारी दिएको छ ।
यस्तै सोही दुर्घटनामा परी स्कुटर चालक सोजन सेरचन गम्भीर घाइते भएको र मोटरसाइकल चालक चितवन भरतपुर म.न.पा.२४ बस्ने बर्ष ३१ को हरिशरण थापा मगर मध्यम घाइते भएको साथै शेरचनको हाल चितवन मेडिकल कलेज र मगरको पुरानो मेडिकल कलेज भरतपुरमा उपचार भई रहेको प्रहरीले बताएको छ।
हाल ३ वटै सवारी साधन र बोलेरो चालक जिल्ला गैडकोट न.पा.४ बस्ने बर्ष ३४ को राम खनाल प्रहरीको नियन्त्रणमा रहेको प्रहरिले जनाएको छ।
१.मृतकः-स्कुटरमा सवार जिल्ला चितवन ईच्छाकामना गा.पा.५ बस्ने बर्ष ३७ की राम कुमारी गुरुङ ।
२.स्कुटर चालक जिल्ला चितवन ईच्छाकामना गा.पा.५ बस्ने बर्ष ३१ को सोजन शेरचन गम्भिर ।
३.मो.सा.चालक जिल्ला चितवन भरतपुर म.न.पा.२४ बस्ने बर्ष ३१ को हरिशरण थापा मगर मध्यम ।
