चितवन/ईनर ह्विल क्लव अफ भरतपुरले सोमबार आनन्दपुर स्थित बालबलिकाका लागि प्रहरी नागरिक अभियान  (पिटुसीटु)मा खाद्यान्न तथा कपडा वितरण गरेको छ । “स्वार्थ भन्दा माथी सेवाको भाव“भन्ने मुल भनाइलाई आत्मा साथ गर्दै ईनर ह्विल क्लव अफ भरतपुरले खाद्यान्न र कपडा वितरण गरेको हो । शाखा अध्यक्ष सनुजा श्रेष्ठको अध्यक्षतामा भएको कार्यक्रममा समाजसेवी पर्बत सापकोटाको प्रमुख आतिथ्यता रहेको थियो । त्यस्तै संस्थापक अध्यक्ष शोभा गौतम खड्काको विशेष आतिथ्यतामा कार्यक्रम सम्पन्न भएको हो ।

कार्यक्रमका प्रमुख अथिति तथा भरतपुर निबासी पर्वत सापकोटा र अमेरिकामा रह्नु भएकी लक्ष्मी राज सापकोटाको छोरी दिग्चेन सापकोटाको जन्म दिनको अवसरमा रहेका बाबूहरुलाई जाडोको बेलामा न्यानो कपडा र खाद्यान्न सामान सहयोग गर्नुभएको क्लवकी अध्यक्ष सनुजा श्रेष्ठले जानकारी दिनुुभयो ।

सो कार्यक्रमको अतिथी पिटुसीटु रेखदेख, तथा प्रहरी सहायक हवल्दार कमल रन्जितकार, पिटुसीटु रेखदेख तथा प्रहरी हवल्दार सरस्वती घिमिरे र शाखाका उपाध्यक्ष मिना गुरुङ  रहनु भएको थियो । उक्त कार्यक्रममा बोर्ड पदाधिकारी  लगायतको उपस्थिति रहेको थियो । कार्यक्रमको संयोजक सरस्वती कुवरले गर्नुभएको थियो भने क्लवका सचिब जेसि लक्ष्मी केसिले कार्यक्रम सन्चालन गर्नुभएको थियो ।