चितवन – भरतपुरमा जारी बडादशैं तेस्रो जुत्ताचप्पल मेलामा भरतपुर महानगरपालिका ११ भोजाडकी सरिताले बिकले २५ किलोको खसी उपहार प्राप्त गरेकी छन् । चितवन उद्योग संघको आयोजनामा चितवन प्रदर्शनी केन्द्रमा यही असोज १ गतेदेखि सन्चालन भईरहेको जुत्ताचप्पल व्यापार मेलामा लक्की ड्र मार्फत बिकले खसी उपहार पाएकी हुन् ।
फुटवेयर एसोसिएशन नेपाल र चितवन उधोग संघको सयुक्त आयोजनामा असोज २४ गते सम्म सन्चालन हुने यस जुत्ताचप्पल मेलामा पुर्व निर्धारित निर्णय अनुसार कार्यक्रमको समापनको ३ दिन अगाडि लक्की ड्र मार्फत खोलिने कुपनहरु मध्येबाट एकजनालाई २५ हजार बराबरको खसी उपहार प्रदान गरिएको आयोजकले बताएको छ ।
साथै मेलामा १० जनाले लक्की ड्र मार्फत शान्तवना पुरस्कार प्राप्त गरेका छन् । उनिहरुले कुनै पनि जुत्ताचप्प्ल किन्दा १ हजार बराबरको कुपन पाएका हुन् । मेलामा प्रत्येक दिन जुत्ता, चप्पल खरिद गर्ने ग्राहकहरुलाई कुपनको व्यवस्था गरिएको थियो । सोही अनुसार ११ जनालाई लक्की ड्र मार्फत बिजेता घोषणा गरिएको हो ।
कार्यक्रममा खसी तथा १० जना शान्त्वना विजेतालाई चितवन उधोग संघका कार्य वाहक अध्यक्ष मदन घिमिरेको अध्यक्षतामा लक्की ड्र मार्फत खोलिने कुपनहरु मध्येबाट बिजेता घोषणा गरिएको हो ।
उपहार जित्नेले जुत्ता खरिद गर्दाको बिल र कुपनको सक्कल प्रती असोज २३ गते साझँ ५ बजे सम्म पुरस्कार दाबी पेश गर्नु पर्ने छ भने पुरस्कार नियम अनुसार लाग्ने २५ प्रतिशत कर अग्रिम कट्टी गरी प्रदान गरिने छ । साथै यस बिषयमा कुनै पनि बिबाद भएमा आयोजकको निर्णय नै अन्तिम निर्णय हुने आयोजकको भनाई छ ।
जुताचप्पल मेलामा उपहारसँगै जुत्ताचप्पल खरिदमा १५ देखि ५० प्रतिशत छुटको समेत व्यवस्था गरिएको छ । जुत्ताचप्पल मेलामा सस्तो मुल्यमा गुणस्तरीय स्वदेशी उत्पादन खरिद गर्न पाइने भएका कारण यहाँ ग्राहकहरुको बाक्लो भिड लाग्ने गरेको छ । मेलामा ८ कम्पनीका ३ हजार भन्दा बढी मोडलका जुत्ता, चप्पल एकै ठाँउमा राखिएको छ ।
मेलाको अन्तिम दिनसम्म ३५ हजार जोर जुत्ता, चप्पलको बिक्री हुने र २ करोडको आर्थिक कारोबार हुने अपेक्षा गरिएको छ । त्यस्तै मेलामा करिब १ लाख ५० हजारले अबलोकन गर्ने अनुमान गरिएको छ ।
साथै, मेलामा जुत्ता, चप्पल खरिद गर्ने ग्राहकहरुले चितवन फुटवेयर एक्स्पोको फेसबुक पेजलाई लाइक, शेयर गरेमा तुरुन्त २ प्रतिशत क्यास ब्याग समेत प्राप्त गर्न सक्नेछन् ।मेला बिहान ९ बजे देखी बेलुकी ०७ बजे सम्म सन्चालन हुँदै आएको छ ।
