चितवन/वैदिक आयुर्वेद नवज्योति राइनोज क्लबद्वारा वैदिक आयुर्वेद दोस्रो वडाध्यक्ष भेट्रान्स कप हुने भएको छ । भरतपुर भ्रमण बर्ष २०२४ का अबसरमा हुने खेलको प्रबर्द्धक भरतपुर महानगरपालिका सह(प्रायोजक सेन्ट्रल कलेज र भरतपुर ६ को संरक्षकमा खेल हुन लागेको हो । उक्त खेल असोज १६ गतेदेखि २४ गतेसम्म चल्नेछ ।

भरतपुर ६ स्थित नवज्योति क्लबको खेलमैदानमा हुने खेलमा एक टिममा कम्तीमा पनि ८ जना र एक्स्टा ५ जना गरी १३ जना खेलाडी रहनेछन् । यस खेलमा प्रथम हुने टिमलाई ५० केजीको खसी र आकर्षक ट्रफी मेडल सहित प्रमाणपत्र दोस्रो हुने टिमलाई ३५ केजीको खसी र ट्रफी प्रदान गरिने खेलकुद संयोजक सूर्य बहादुर कँवरले जानकारी दिनुभयो ।