नेपाल दुर्लभ रक्तसमुदाय चितवनको आयोजनामा आज चितवनमा राष्ट्रिय भेला सम्पन्न भएको छ । असोज ३ गते संस्थाका अध्यक्ष लक्ष्मण ज्ञवालीको सभापतित्वमा सम्पन्न उद्घाटन सभामा अतिथि लायन्स क्लब अफ डिस्ट्रीक ३२५ आर का पुर्व गभर्नर राम प्रसाद भट्टले लायन्स TU Blood बैंकको बारेमा र बिशिस्ट अतिथि वरिष्ठ फिजिसियन डा भोजराज अधिकारीले रगत , रक्तदान को महत्त्व यसका ब्यवस्थापनका बारेमा बताउनु भएको थियो भने प्रमुख अतिथि नेपाल रेडक्रस सोसाइटी का केन्द्रिय सदस्य तथा जिल्ला शाखा चितवनका सभापति हरि प्रसाद पौडेलले रेडक्रसको रगत ब्यवस्थापनमा योगदानका बारेमा जानकारी सहित शुभकामना मन्तव्य ब्यक्त गर्नु भएको थियो । असोज ४ गते संस्थाकै अध्यक्षको अध्यक्षतामा विभिन्न जिल्ला बाट पाल्नु भएका जिल्ला संयोजक र प्रतिनिधिहरुको भेलाले संस्थाका संस्थापक सचिव पुष्पराज शर्मा को संयोजकत्वमा २५ सदस्यीय केन्द्रिय महाधिवेशन आयोजक कमिटी गठन गरियो । सात प्रदेशको प्रतिनिधित्व सहितको सो समितिले २०८२ पौष मसान्त भित्र केन्द्रिय महाधिवेशन गर्ने गरि तयारी गर्ने छ भनी चितवन जिल्ला सचिव राजमणी नेपालले बताउनु भयो ।