भरतपुर, २२ साउन/चितवन उद्योग संघको संगठन बिस्तार विभाग र वस्तुगत समिति नेपाल क्रेट उत्पादक संघबीच कोरोना भाइरस (कोभिड–१९)ले उद्योग क्षेत्रमा पारेको प्रभाव र समसामयिक विषयमा छलफल भएको छ ।

चितवन उद्योग संघका उपाध्यक्ष एवं संगठन बिस्तार विभागका संयोजक गजेन्द्र अधिकारीको अध्यक्षता सम्पन्न कार्यक्रममा चितवन उद्योग संघका उपाध्यक्ष त्रिलोचन कँडेल, कार्यसमिति सदस्य एवं नेपाल क्रेट उत्पादक संघका अध्यक्ष दण्डपाणी भट्ट, प्रशासकीय अधिकृत गोविन्द प्रसाद पौडेल लगायतको सहभागिता रहेको थियो ।

चितवन उद्योग संघमा भएको छलफल कार्यक्रममा चितवन ट्रे एण्ड प्याकेजिङ, ए.बि.एग ट्रे उद्योग, मनकामना एग ट्रे प्रा.लि., नारायणी एग ट्रे प्रा.लि., ब्रम्हबाराही एग टे« उद्योग, कालिका एग ई.प्रा.लि., नेपाल पल्प एण्ड क्रेट ई.प्रा.लि., हिमालय फार्म, श्री सिद्धिविनायक क्रेट उद्योगका सञ्चालक एवं प्रतिनिधिहरुको सहभागिता रहेको थियो । छलफलमा क्रेट उत्पादकहरुको सञ्चालनको अवस्था र कोभिड–१९ ले उद्योगमा पारेको समस्याको समाधानका बारेमा समेत छलफल गरिएको थियो ।