चितवन/ईनर ह्विल क्लव अफ भरतपुर सिटीद्धारा देवघाट स्थित समाज कल्याण बृद्रा आश्रममा खाना खुवाएको छ । सोमबार परेको कुशे औंसीकोे अवसरमा आश्रममा रहेको बुवा आमाहरुलाई खाना खुवाएको क्लवकी अध्यक्ष सनुजा श्रेष्ठले जानकारी दिनुभयो । कार्यक्रममा सहयोगी दाता तथा समाजसेवी शंकरलाल श्रेष्ठको प्रमुख आतिथ्यता रहेको थियो । कार्यक्रममा ईनर ह्विल क्लव अफ भरतपुर सिटी संस्थापक अध्यक्ष शोभा गौतम, सस्थाका IPP IW सीता पोख्रेल श्रेष्ठ र समाज कल्याण बृद्रा आश्रमका ब्यवस्थापन दिलमाया सापकोटाको बिशेष आतिथ्यता रहेको थियो ।

यस्तै कार्यक्रममा शाखाका VP IW मिना गुरुङ, समाजसेवीहरु विजया लक्ष्मी श्रेष्ठ, सुनिला न्याच्यो र आशा श्रेष्ठको उपस्थिति रहेको थियो । भने बोर्डका पदाधिकारीहरुको उपस्थितिमा कार्यक्रम सम्पन्न भएको हो । “मानवताको सेवा नै जीवनको सर्वत्तम कार्य हो ।” भन्ने मुल भनाइलाई आत्मा साथ गर्दै कुशे औसि दिन पारेर बुबाको सम्झनामा समाजसेवी शंकरलाल श्रेष्ठले  सहयोग गर्नु भएकोमा सस्थाको तर्फबाट हार्दिक आभार ब्यक्त गरिएको छ । क्लवकी अध्यक्ष श्रेष्ठको अध्यक्षतामा सम्पन्न भएको कार्यक्रमको संयोजन कोषाध्यक्ष संगीता थापा मगरले गर्नु भएको थियो । भने सचिव लक्ष्मी केसीले कार्यक्रमको सञ्चालन गर्नु भएको थियो ।