राप्ती/चितवन उद्योग संघ, राप्ती समितिको छैंटौं वार्षिक साधारण–सभा सम्पन्न भएको छ । चितवन उद्योग संघ, राप्ती समितिका अध्यक्ष खिलप्रसाद घिमिरेको अध्यक्षतामा सम्पन्न साधारणसभामा राप्ती नगरपालिकाका उपप्रमुख देवेन्द्र लामा प्रमुख अतिथि रहनु भएको थियो । प्रमुख अतिथि लामाले राप्ती क्षेत्रभित्र सञ्चालन भएका उद्योगहरुले समग्र राप्तीको विकास हुने भएकोले यस क्षेत्रमा सञ्चालनमा रहेको उद्योगहरुले मात्र यहाँको माग पूरा गर्न नसक्ने हुँदा थप उद्योगहरु स्थापना गर्न आवश्यक रहेको बताउनुभयो । उहाँले यहाँको माटो सुहाउँदो उद्योगहरु सञ्चालन गरी रोजगारी सिर्जना र आयआर्जनमा टेवा पु¥याउन सम्पूर्ण उद्योगीहरु हार्दिक आव्हान समेत गर्नुभयो ।

त्यस्तै कार्यक्रमका विशिष्ट अतिथि चितवन उद्योग संघका उपाध्यक्ष एवम् संगठन तथा सदस्य समन्वय विभागका संयोजक मदन घिमिरेले संघको राप्ती पालिका समितिभित्र रहेका उद्योगहरुको स्तरउन्नतिका लागि स्थानीय सरकारको महत्वपूर्ण भूमिका हुने भएकाले पालिका समिति र स्थानीय सरकारबीच सहकार्य हुन जरुरी रहेको बताउनुभयो ।

त्यस्तै चितवन उद्योग संघका पूर्व अध्यक्ष भेषराज दुवाडीले राप्ती क्षेत्रमा भौगोगिकताका कारण पनि पर्यटन उद्योगहरुको सम्भावना रहेकोले यसतर्फ सम्बन्धित निकायको ध्यान जान जरुरी रहेको बताउनुभयो ।

साधारणसभाको अवसरमा राप्ती उद्योग बाणिज्य संघका कार्यवहाक अध्यक्ष ओम डल्लाकोटी, राप्ती नगरपालिकाका वडा नं. ७ का वडाअध्यक्ष सुमिता डल्लाकोटी, वडा नं. ८ का वडाअध्यक्ष पूर्ण प्रसाद आचार्य, वडा नं. १२ का वडाअध्यक्ष अर्जुन प्रजा, पालिका समितिहरुको तर्फबाट चितवन उद्योग संघ, रत्नननगर पालिका समितिका अध्यक्ष उमाकान्त पौडेल, वीरेन्द्र आदर्श मा.वि.का अध्यक्ष घनश्याम कँडेल, चितवन जिल्ला क्रसर व्यवसायी संघका अध्यक्ष सरोज कुँबर लगायतले शुभकामना व्यक्त गरेका थिए ।

चितवन उद्योग संघ, राप्ती पालिका समितिका अध्यक्ष खिलप्रसाद घिमिरेले स्वागत मन्तव्य सहित बार्षिक कार्य प्रगति प्रतिवेदन प्रस्तुत गर्नुभएको थियो । त्यस्तै चितवन उद्योग संघ, राप्ती पालिका समितिका सचिव बुद्धिराम चौधरीले आर्थिक प्रतिवेदन प्रस्तुत गर्नुभएको थियो ।

अध्यक्षले प्रस्तुत गर्नुभएको वार्षिक प्रगति प्रतिवेदन र कोषाध्यक्षले प्रस्तुत गर्नुभएको आर्थिक प्रतिवेदन माथि छलफल र अनुमोदन गरिएको थियो ।

साधारणसभालाई थप रोमान्चित बनाउनको लागि राप्ती क्षेत्रका उद्योगहरुबाट उत्पादित वस्तुहरुलाई सहभागी र अतिथिहरुलाई गोलाप्रथाद्वारा पुरस्कार वितरण गरिएको थियो । कार्यक्रममा राप्ती कंक्रिट उद्योगबाट कुखुराको भाले, बि.एस.फर्निचर उद्योगबाट टि टेबल, ऊँ शिव स मिल तथा भेनियर उद्योगबाट ढोका पल्ला, श्रीकृष्ण लेडिज टेलर्सको तर्फबाट टि सर्ट, सन्तोष स मिलबाट मौरीको घार, डि.एस.मसलाको तर्फबाट मसला, भुषाल राईस मिलबाट तोरीको तेल, हाईले ह्याचरीका प्रोपाइटर मर्काण्डे गौतमको तर्फबाट २ क्रेट अण्डा, श्रीयान्स ब्लकको तर्फबाट बुटटेदार गमला, होटल पिकक, रत्नननगर, सौराहाबाट एक जोडीको लागि १ दिनको बसाई र बिहानको नास्ता लगायतका पुरस्कारहरु वितरण गरिएको थियो ।

कार्यक्रमको सञ्चालन र समापन चितवन उद्योग संघ, राप्ती पालिका समितिका उपाध्यक्ष राजेश रुम्बा लामाले गर्नुभएको थियो ।

https://www.youtube.com/watch?v=N1GOySt7D80