चितवन/सहिद स्मारक कलेजले कक्षा ११ र १२ मा उत्कृष्ट नतिजा ल्याउने बिद्यार्थीहरुलाई आज सम्मान गरेको छ । सहिद स्मारक कलेज बखानपुर, शारदानगरले राष्ट्रिय परिक्षा बोर्ड २०८० को बी.सि.ए. छैठौं सेमेस्टरको परिक्षामा उत्कृष्ट नतिजा ल्याउने बिद्यार्थीलाई सम्मान गरेको हो । कलेजका प्रीन्सिपल बसन्त कुमार पौडेलको अध्यक्षतामा भएको कार्यक्रममा स्कोव ट्रेनिङ सेन्टर पश्चिम चितवनका सल्लाहकार एवं कलेज व्यवस्थापन समितिका अध्यक्ष बेलबहादुर गुरुङको प्रमुख आतिथ्यता रहेको थियो । कार्यक्रममा बोल्नुहुँदै गुरुङले स्थापनाकालदेखि कलेजले गुणस्तरीय शिक्षा प्रदानमा खेलेको भूमिका सबैले प्रशंसा गर्न लायक रहेको बताउनुभयो ।

कार्यक्रममा बी.सि.ए. छैठौ सेमेस्टरको परिक्षामा चितवन जिल्ला प्रथम हुन सफल छात्रा अश्मी गुरुङ, कक्षा ११ र १२ मा सर्वोत्कृष्ट अङ्क ल्याई उत्तीर्ण हुन सफल बिद्यार्थीहरुलाई पुरस्कार, छात्रवृत्ति, मायाको चिनो तथा खादा लगाई सम्मान गरिएको कलेजका सहायक प्रीन्सिपल राजु रानाभाटले जानकारी दिनुभयो । कार्यक्रममा परिक्षा समिति सदस्य मिलन पौडेलले स्वागत मन्तव्य राख्नुभएको थियो । भने कलेज संचालक समितिका सदस्य हुमबहादुर क्षत्रीले शुभकामना मन्तव्य राख्नुभएको थियो ।