भरतपुर/चितवन मेटल इन्जिनियरिङ्ग एण्ड फेव्रिकेशन उद्योग समितिका पदाधिकारी एवम् सदस्य र ग्रिल व्यवासायी महासंघ बीच मेटल उद्यमीहरुको वर्तमान अवस्था र यसका समस्याहरुका बारेमा छलफल सम्पन्न भयो ।
चितवन मेटल इन्जिनियरिङ्ग एण्ड फेव्रिकेशन उद्योग समितिका अध्यक्ष तारा बहादुर कार्कीको अध्यक्षतामा सम्पन्न छलफल कार्यक्रममा ग्रिल व्यवासायी महासंघका केन्द्रीय उपाध्यक्ष प्रकाश पौडेललाई स्वागत समेत गरिएको थियो । पौडेलले दुबै समितिबीच सहकार्य हुन जरुरी रहेको बताउनुभयो ।
कार्यक्रममा वागमती प्रदेश गठन लगायतका विषयमा छलफल गरिएको थियो । छलफलले साउनको ३२ गते केन्द्रीय कार्यालय काठमाण्डौं सभाहलमा बैठक वस्ने समेत निर्णय गरेको छ ।
छलफल कार्यक्रममा चितवन मेटल इन्जिनियरिङ्ग एण्ड फेव्रिकेशन उद्योग समितिका अध्यक्ष तारा बहादुर कार्की, ग्रिल व्यवासायी महासंघका केन्द्रीय उपाध्यक्ष प्रकाश पौडेल, मेटल समितिका उपाध्यक्षहरु मोहनलाल श्रेष्ठ, राज कुमार श्रेष्ठ, रुकेश सापकोटा, विरेन्द्र वहादुर दवाडी, सदस्यहरु सूर्य प्रसाद तिमिल्सिना, लोकनाथ सुवेदी, राजन पौडेल, सूर्यराज गिरी, विष्णु प्रसाद पौडेल, निर्मल विश्वकर्मा, रत्ननगर स्थानिय समितिका अध्यक्ष गणेशराज रेग्मी, रन्ननगर स्थानिय समितिका पूर्व अध्यक्ष शिव खनाल लगायत उपस्थिति रहेको थियो ।
