चितवनको भरतपुर महानगरपालिका–१ मा एकजना पुरुष बाघको आक्रमणबाट घाइते भएका छन् । भरतपुर महानगरपालिका–१ स्थित नारायणी नदी किनारमा ‘मर्निङवाक’ गरेका  एक व्यक्तिलाई बाघले आक्रमण गरेको हो  । बिहान करिब ५ः२० बजेको समयमा पैदल हिँडेका भरतपुर–२ बेलटाँडी बस्ने ६० वर्षीय पशुपती श्रेष्ठलाई एक्कासी बाघले आक्रमण गरेको चितवनका प्रमुख जिल्ला अधिकारी इन्द्रदेव यादवले जानकारी जानकारी दिनुभयो । बाघको आक्रमणबाट घाइते भएका श्रेष्ठको चितवन मेडिकल कलेजमा उपचार भइरहेको छ । श्रेष्ठको मुख र हातमा चोट लागेको र अवस्था मध्यम रहेको बताइएको छ । बाघको खोजी तथा नियन्त्रणको लागि जिल्ला वन कार्यालयबाट कर्मचारीहरु खटिएका छन् ।