चितवन/तरङ्ग नाट्य समूह भरतपुर चितवन र नारायणी कला मन्दिर नारायणगढको संयुक्त आयोजनामा मंचन गरिएको नाटक घरको मायाको समापन गरिएको छ । नारायणी कला मन्दिरका अध्यक्ष रोहित श्रेष्ठको अध्यक्षतामा भएको कार्यक्रममा भरतपुर साहित्य प्रतिष्ठानका उपकुलपति ईन्द्रराज रेग्मीको प्रमुख आतिथ्यता रहेको थियो । कार्यक्रममा प्रमुख अतिथिको रूपमा बोल्नुहुँदै उपकुलपति रेग्मीले समाजमा चेतनाको प्रवाह गराउन नाटकले महत्त्वपूर्ण भूमिका खेल्ने बताउनुभयो । समाज परिवर्तनशिल हुँदै गर्दा अझैपनि समाजमा अचेतना कायमै रहेको बताउदै रेग्मीले यसको अन्त्यका लागि आजैदेखि लाग्नुपर्ने बताउनुभयो ।

चितवन र नवलपुर जिल्लाका बिद्यार्थीहरुको सहभागीता रहेको निशुल्क अभिनय प्रशिक्षण कार्यक्रममा झन्डै २८ जना भन्दा बढी बिद्यार्थीहरुको सहभागीता रहेको थियो । यसैगरी कार्यक्रममा बोल्नुहुँदै भरतपुर २ का वडाध्यक्ष मनोज रानाभाटले नाट्य क्षेत्र समाजको ऐना भएको बताउनुभयो । समाजमा हुने प्रवृत्तिको यथार्थ प्रतिबिम्ब नाटकमा प्रस्तुत हुने हुँदा नाटक क्षेत्रको महत्त्वपूर्ण भूमिका रहेको उल्लेख गर्नुभयो ।

उक्त नाट्य समापनको कार्यक्रममा विभिन्न बिद्यालयका शिक्षक, विद्यार्थी र साहित्य तथा नाट्यप्रेमीहरुको कार्यक्रममा सहभागीता रहेको थियो ।