लायन्स क्लब अफ नारायणगढ दियालो लियो क्लब अफ नारायणगढ दियालो र कृष्ण केशव फाउन्डेसनको संयुक्त आयोजनामा गार्गी कन्या गुरुकुलम आश्रम देवघाटमा stationary, sound system तथा पुस्तकालयको लागि पुस्तकहरू वितरण कार्यक्रम सुसम्पन्न भयो। अध्यक्ष लायन असिम हमालको अध्यक्षतामा सञ्चालित उक्त कार्यक्रममा प्रमुख अतिथि डिस्ट्रिक्ट गभर्नर PMJF लायन दिनानाथ न्यौपाने ज्यू हुनुहुन्थ्यो। सधैँ जसो साउन महिनाको पहिलो सोमबारमा खाद्य सामग्री वितरण गरिने कार्यक्रम राखिने भए तापनि यसपालि बुझ्दा खाद्य सामग्री भएको तर बच्चाहरूलाई कपी कलमको अभाव रहेको भन्ने बुझिएकोले हाम्रो डिस्ट्रिक्ट गभर्नरको serve on the clock सही समयमा सही सेवा भन्ने स्लोगनमा आधारित रहेर सही सेवा दिनको लागि stationary सामानहरू वितरण गरियो। साथै उक्त आश्रममा कुनै पनि कार्यक्रम गर्नुपर्दा हलमा या बाहिर माइक एवं साउन्ड सिस्टमको व्यवस्था नरहेको हुँदा साउन्ड सिस्टम पनि वितरण गरियो। यसैगरी पठन संस्कृतिको विकासको निमित्त उक्त आश्रममा रहेको पुस्तकालयलाई केही थान उत्प्रेरणात्मक किताबहरू पनि वितरण गरियो।साउन्ड सिस्टम डिस्ट्रिक गभर्नर ज्युबाट सौजन्य भएको हो उहाँलाई विशेष धन्यवाद लायन्स दियालोको तर्फबाट

साथै आश्रमका नानीहरूको लागि मासिक मुनापत्रिका साउन अङ्क ८५ जना विद्यार्थीहरू हुनुभएकोले ८५ वटा मुना पत्रिका पनि वितरण गरियो। सहयोगी हातको रूपमा रहेका कृष्ण केशव फाउन्डेसनले भने फाउन्डेसनकी सदस्य अनिता हमालको शुभ जन्मदिनको अवसर पारेर सहयोग गरिएको जानकारी फाउन्डेसन कि अध्यक्ष रचना सिंह अधिकारीले जानकारी दिनुभयो। stationary सामानहरूमध्ये केही stationary सामानहरू कृष्ण केशव फाउन्डेसनकी शुभचिन्तक डक्टर रोहिता बज्राचार्य ज्यू बाट सहयोग गरिएको छ। पुस्तकालयको लागि केही किताबहरू र ८५ पिस मुना पत्रिका को सौजन्य भने अस्ट्रेलिया निवासी लायन असिम हमालका मित्र गौतम चापागाईंज्यूले गर्नुभएको थियो।