भरतपुर/भर्खरै मात्र एसईई पास गरेर बसेका युवायुवतीहरुलाई हार्दिक बधाई दिदै र मोडलिङ क्षेत्रमा आफ्नो क्यारिएर बनाउन चाहनेहरुको लागि टायारा इन्टरटेमेन्टले मिष्टर एण्ड मिस टियारा चितवन २०२० गर्न लागेको छ ।

भरतपुरस्थित सिजि ल्याण्डमार्कमा आज बिहीबार मिष्टर एण्ड मिस टियारा चितवन २०२० को एक कार्यक्रमका बीच केक काटेर शुभारम्भ गरिएको हो । युवा समाजसेवी राकेशमान श्रेष्ठले केक काटेर कार्यक्रमको शुभारम्भ गर्नुभएको थियो । कार्यक्रममा सञ्चारकर्मीहरु राजु भट्ट, किशोर सापकोटा, युवा व्यवसायीहरु, चितवन कोर्डिनेटर/कोरियाग्राफर आरजु अधिकारी, सेलिना बानियाँ लगायतको उपस्थिति रहेको थियो ।

विभिन्न चरणहरुमा अनलाइनबाट अडिसन लिइएको उक्त प्रतियोगिताको बिजेताले पचास हजार रुपैयाँ, होलिडे प्याकेज, म्पाग्जिनको कभरमा फोटो, लागि फोटो सुट, विभिन्न मिडियाहरुमा अन्तरवार्ता, म्युजिक भिडियोहरु, ब्राण्ड एम्बेस्टर जस्ता थुप्रै सेवाहरु प्रदान गरिएको टियारा इन्टरटेमेन्टकी आयोजक सिर्जना क्षेत्रीले जानकारी दिनुभयो ।

सहभागी अन्य प्रतियोगिहरुलाई मोडलिङ क्षेत्रका विज्ञहरुद्वारा पुर्नताजगी प्रशिक्षण, मिडियाका सञ्चारकर्मीहरुद्वारा व्यक्तित्व विकास तालिम, सेल्फ फेशन क्लास, फिजिकल फिटनेश सम्बन्धि कक्षाहरु, मोटिभेशनल कक्षाहरु, फोटोसुट जस्ता विभिन्न खाले कक्षाहरु प्रदान गरिनेछ ।