नारायणगढ/२०८१ असार ३० गते तदानुसार १४ जुलाई २०२४ को दिन, १५ जुलाईमा पर्ने वल्र्ड युथ स्किल डेको अवसर पारेर तरङ्ग नाट्य समूहको आयोजनामा, लायन्स क्लब अफ नारायणगढ दियालो, लायन्स क्लब अफ भरतपुर, लायन्स क्लब अफ चितवन प्रोफेसनल्सले कम्युनिटीका दुईवटा संस्थाहरु नारी उत्थान केन्द्र र तरङ्ग नाट्य समूहसँगको संयुक्त आयोजनामा ७ दिने नाट्य अभिनय प्रशिक्षण कार्यक्रमको शुभारम्भ गरिएको छ ।
लायन्स क्लब अफ भरतपुरका अध्यक्ष लायन सन्तोष मजाकोटी र तरङ्ग नाट्य समूहका अध्यक्ष देव वmुमार श्रेष्ठको संयुक्त अध्यक्षतामा, लायन्स क्लव अफ डिष्ट्रिक ३२५ (बी) का डिष्ट्रिक गर्भनर पिएमजेएफ लायन्स दिनानाथ न्यौपानेको प्रमुख आतिथ्यतामा नारी उत्थान केन्द्रको सभाहलमा कार्यक्रमको उद्घाटन गरिएको थियो ।
सात दिन चल्ने उक्त कार्यक्रमको उद्घाटन सत्र लायन्स क्लब अफ नारायणगढ दियालोको अध्यक्ष लायन असिम हमालले सञ्चालन गर्नु भएको थियो भने नारी उत्थान केन्द्रकी अध्यक्ष मञ्जुश्री श्रेष्ठले स्वागत मन्तव्य र लायन्स क्लब अफ चितवन प्रोफेसनल्सका अध्यक्ष लायन निशेष अधिकारीले धन्यवाद मन्तव्य व्यक्त गर्नु भएको थियो ।
कार्यक्रममा विशिष्टि अतिथिहरु लायन्स क्लव अफ डिष्ट्रिक ३२५ (बी) का सेकेण्ड डिष्ट्रिक भिडिजि एफजेएफ लायन्स प्रभाकर पण्डित, भरतपुर प्रज्ञा प्रतिष्ठानका उप कुलपति इन्द्र प्रसाद रेग्मी र अतिथि नारी उत्थान केन्द्रकी संस्थापक अध्यक्ष शान्त श्रेष्ठले शुभकामना मन्तव्य व्यक्त गर्नु भएको थियो ।
