फिल्मका ‘१२ सत्ताइस’को ट्रेलर सार्वजनिक गरिएको छ। काठमाडौंमा एक कार्यक्रमकाबीच फिल्मको ट्रेलर सार्बजनिक गरिएको हो । सार्वजनिक ट्रेलरमा ३ बेरोजगार युवाहरुको पैसा कमाउने धन्दाको कथालाई कमेडी शैलिम प्रस्तुत गरिएको देख्न सकिन्छ। जोन योञ्जनको निर्देशनमा तयार भएको फिल्म आउँदो मंसिरको २७ गतेदेखि प्रदर्शनमा आउँने छ । चलचित्रमा समिर श्रेष्ठ, अभिषेक नेपाल, काजी राना, अस्मिता लामिछाने, सम्रान्त थापा, एभोन राज उप्रेती, भिष्म जोशी, अस्मिता खनाल, बिना कार्की लगायत कलाकारहरुको अभिनय छ। ह्याप्पी प्लानेट फिल्मस र कमेरो स्क्रिनको संयुक्त ब्यानरमा निर्माण भएको फिल्मलाई रेणु राना, दिपक खतिवडा र रुपक थापाले निर्माण गरेका हुन्। निर्देशक जोन योञ्जनकै कथा रहेको फिल्ममा दिपक आर्जेको संगीत रहेको छ।अनिष स्याङ्गदेनको छायांकन रहेको फिल्मलाई कृष्ण भण्डारीले सम्पादन गरेका छन्।