भरतपुर/नेपाली कांग्रेसका संस्थापक नेता ,लोकतान्त्रिक समाजबादका प्रणेता, जननिर्वाचित प्रथम प्रधानमन्त्री, जननायक वी.पी. कोईरालाको ३८ औं स्मृती दिवसको अवसरमा नेपाल विद्यार्थी संघ भरतपुर महानगर समन्वय समितिद्वारा आयोजित विचार गोष्ठी, वृक्षारोपण एवं चियापान कार्यक्रम सम्पन्न भएको छ ।

भरतपुर महानगरपालिका वडा नं.१८ को वडा कार्यालयमा सम्पन्न जित विचार गोष्ठी, वृक्षारोपण एवं चियापान कार्यक्रममा बोल्ने बक्ताहरुले जननायक वी.पी. कोईरालाको योगदानको बारेमा आफ्नो धारणा राखेका थिए ।

नेपाल विद्यार्थी संघ भरतपुर महानगर समन्वय समितिका अध्यक्ष रिजन कौडेलको अध्यक्षतामा सम्पन्न कार्यक्रममा तोकमान गुरुङ प्रमुख अतिथि रहनुभएको थियो भने । नेपाली काँग्रेसका नेता मिलनबाबु श्रेष्ठ, भरतपुर महानगरपालिकाकी उपमेयर पार्वती शाह, अञ्जनी श्रेष्ठ, मित्रनीधि तिवारी, तरुण नेता प्रमिश राई, विनु राइमाझी पौडेल, नेविसंघ नेता दिपक दवाडी, वचन कार्की, नेपाली काँग्रेस महिला नेतृ तारा गुरुङ, युवा व्यवसायीहरु राकेशमान श्रेष्ठ, राहुल कुमार सिंहलगायतको उपस्थिति रहेको थियो ।