भरतपुर/महाकालेश्वर आमा समुहको आयोजनामा भरतपुर महानगरपालिकाको सहयोगमा सकारात्मक सोच, तनाब व्यबस्थापन एवं आत्महत्या रोकथाम सम्बन्धी तिन दिने कार्यक्रम सम्पन्न भएको छ । महाकालेश्वर आमा समुहका अध्यक्ष नेत्रकुमारी पौडेलको अध्यक्षतामा सम्पन्न कार्यक्रममा भरतपुर महानगरपालिका वडा नं. १० का वडा अध्यक्ष परमेश्वर खनाल प्रमुख अतिथथी रहनु भएको थियो । सगुन पार्टी प्यालेसमा यही जेष्ठ १५,१६ र १७ गते तिन चरणमा सम्पन्न उक्त कार्यक्रममा पहिलो दिन आत्महत्या रोकथामका बिषयमा बरिष्ठ प्रशिक्षक प्रदीप सुबेदीले, दोस्रो चरणको कार्यक्रम तनाब व्यबस्थापन एवं सकारात्मक सोचका बिषयमा बरिष्ठ प्रशिक्षक मानव सेवा आश्रमका केन्द्रीय संथापक अध्यक्ष रामजी अधिकारी एवं केन्द्रीय महासचिव रुपा के.सी.ले प्रशिक्षण दिनु भएको थियो । अन्तिम दिन सकारात्मक सोच बृद्धिका लागि योग ध्यान सम्बन्धि प्रशिक्षक धर्मराज सुबेदीले ध्यान योग सहित प्रशिक्षण दिनु भएको थियो । संथापक अध्यक्ष भगवती सापकोटाको प्रमुख आथित्यतामा गरीएको समापन कार्यक्रममा सम्पूर्ण कार्यसमितिका उपाध्यक्षहरु, सचिव, कोषाध्यक्ष, सहसचिव, कार्यसमितिका सदस्यहरु, सल्लाहकारहरु, मानार्थ सदस्यहरु, आजिवन सदस्यहरु, सदस्यहरुको सहभागिता रहेको थियो । संस्थाको उपाध्यक्ष उर्मिला रेग्मी लामीछानेले स्वागत मन्तव्य राख्नु भयको उक्त कार्यक्रम संस्थाकी सचिव लक्ष्मी लामीछानेले संचालन गर्नु भएको थियो ।