भरतपुर/भरतपुर महानगरपालिका वडा नम्वर १२ मा रहेको नौरङ्गे टोलमा एक समारोह विच शनिवार बालक्लव गठन भएको छ । नौरङ्गे टोल विकास संस्थाका अध्यक्ष सन्तोष पन्तको सभापतित्व र भरतपुर महानगरपालिका वडा नम्वर १२ का वडा अध्यक्ष लेखराज पन्त(हरि)को प्रमुख आतिथ्यमा करिव १०० जना बालबालिकाको उत्साहजनक भेलाले १७ सदस्यीय कार्य समिति गठन गरेको हो । बालबालिकाहरुको उत्साहजनक उपस्थितिले वडा कार्यालयलाईनै भरतपुर १२ का बालबालिका सचेत र सक्रिय छन् भन्ने सन्देश दिएको छ भन्नु हुँदै प्रमुख अतिथि वडा अध्यक्ष पन्तले नौरङ्गे टोलले छोटो समयमा आमा समूह गठन, युवाक्लव गठन हुँदै बाल क्लव गठन गर्न लागेकोमा निक्कै खुशी लागेको र वडा कार्यालयबाट हुने सम्मको सहयोग गर्न सधै तत्पर रहेको कुरा व्यक्ति गर्नु भएको थियो । कार्यक्रममा टोलमा बालक्लवको औचित्यका वारेमा प्रकाश पार्दै टोल विकास संस्थाका अध्यक्ष सन्तोष पन्तले शान्त, सुरक्षित, मानविय टोल निर्माणका लागि सबै उमेर समूहका मानिसहरु आआफ्नो ठाउँमा एकजुट हुनु पर्ने भएकोले बालबालिकाहरुलाई बाल क्लव मार्फत एकजुट बनाई नेतृत्व विकास र क्रमस नेतृत्व हस्तान्तरण गर्ने प्रयास गरेको बताउनु भएको थियो ।
टोल विकास संस्थाका सचिव संगिता थापाले सञ्चालन गरेको कार्यक्रममा ज्योति पुस्तकालयका अध्यक्ष कृष्ण बहादुर मरहठ्ठा, सल्लाहकार द्धय विनोद कुमार खतिवडा र कृष्ण प्रसाद पौडेलले बालबालिकाको उपस्थिति र सक्रियताले आफुलाई उत्साहित बनाएको भन्नु हुँदै शुभकामना व्यक्त गर्नु भएको थियो भने कुल बहादुर खड्काले बालबालिकाको वर्तमान दायित्व सम्वन्धमा चर्चा गर्नु भएको थियो । पहिलो शत्रको समापन संगै नौरङ्गे टोल विकास संस्थाका सल्लाहकार ऋषीराम पौडेलको संयोजकत्वमा सल्लाहकार कृष्ण प्रसाद पौडेल र आमा समूहका सचिव अप्सरा श्रेष्ठ सदस्य रहको निर्वाचन समिति र नौरङ्गे टोल युवा क्लवका अध्यक्ष आयुष रिमाल र उपाध्यक्ष विपिसा जिसी सहजकर्ता चयन गरि बालभेलाका सदस्यहरुको सहमतिमा समिर बरालको अध्यक्षतामा नौरङ्गे टोल बाल क्लव गठन गरिएको थियो । क्लवको उपाध्यक्षमा एञ्जल पण्डित, सचिवमा क्रिजा थापा, कोषाध्यक्षमा सिद कंडेल, सहसचिवमा प्रिसियस बुढाथोकी र सदस्यहरुमा क्रमस सृजिता घिमिरे, साद्भी खतिवडा, श्रेयन श्रेष्ठ, सआसा क्षेत्री, आर्या पोखरेल, स्वीकृति पौडेल, सुशान्त प्रधान, आरभध्वज अधिकारी, आयन ओझा, रिदम श्रेष्ठ, समृद्धि पोडेल, अनुष्का सुवेदी चयन भएका थिए । नव निर्वाचित नौरङ्गे टोल बाल क्लवका पदाधिकारी तथा सदस्यहरुलाई निर्वाचन संयोजक ऋषीराम पौडेलले सपथ ग्रहण समेत गराउनु भएको थियो ।