भरतपुर/उज्यालो टाईम्स मिडिया एण्ड एडभरटाइजिङ्ग प्रा.लि.को आयोजनामा भदौमा उज्यालो साँझ २०८१ हुने भएको छ ।
उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष राजु भट्टको अध्यक्षमा शनिबार बसेको विशेष बैठकले भदौको दोश्रो साता राष्ट्रियस्तरका गायक–गायिका, हाँस्यकलाकारहरुको सहभागितामा उज्यालो साँझ २०८१ गर्ने निर्णय गरिएको हो ।
वि.सं.२०८० मा आयोजना भएको उज्यालो तिहार कार्यक्रमले कला, संस्कृतिको क्षेत्रमा पु¥याएको योगदान र मिडियाले समाज रुपान्तरणमा पु¥याएको भूमिकाको आवश्यकता महशुस गरी दोश्रो प्रस्तुतिको रुपमा उज्यालो साँझ २०८१ गर्न लागिएको अध्यक्ष भट्टले जानकारी दिनुभयो ।

बैठकमा उज्यालो टाईम्सका प्रबन्ध निर्देशक राकेशमान श्रेष्ठ, निर्देशकहरु हरि बहादुर भुजेल, कपिल सागर कर्माचार्य, राजकुमार श्रेष्ठ, सुकदेव काप्री (विकास) लगायतको उपस्थिति रहेको थियो ।
कार्यक्रमलाई सफल पार्न विभिन्न समितिहरु बनाई कार्य अगाडि बढाईएको र कार्यक्रमबाट बचेको रकमलाई सामाजिक क्षेत्रका कार्यमा खर्च गरिने प्रा.लि.ले जनाएको छ । बैठकले उज्यालो तिहार कार्यक्रमलाई सफल पार्न प्रत्यक्ष तथा अप्रत्यक्ष सहयोग पु¥याउनुहुने सम्पूर्ण सहयोगी दाताहरुलाई धन्यवाद तथा हार्दिक आभार समेत व्यक्त गरिएको थियो ।