चितवन/२५६८ औं बुद्ध जयन्तीका अबसरमा बौद्धधर्म सेवा समिति भरतपुर, चितवनले भगवान गौतम बुद्धको जन्मोत्सव मनाउन सुरु गरेको छ । उक्त कार्यक्रमको उद्घाटन जेष्ठ १८ गते शनिबारका दिन खेन्बो श्री लिलाया फुर्पा शेर्पाले गर्नुहुने आयोजकले जनाएको छ । बौद्धधर्म सेवा समिति भरतपुर, चितवनका अध्यक्ष बिकास गुरुङको अध्यक्षतामा बुद्ध जयन्तीका अवसरमा गर्न लागिएको बृहत कार्यक्रमका बारेमा आज पत्रकार सम्मेलनद्वारा जानकारी गराइएको हो ।
जेष्ठ १० गते पुर्णिामाका दिन भगवान गौतम बुद्धको जन्म भएको हुनाले यस दिनदेखि बाट नै जयन्तीका कार्यक्रमगरु गर्दै आइरहेको छ । जेष्ठ ९ गते बिहान ७ बजेदेखि १० बजेसम्म बुद्ध पूजा अर्चना, १० गते बिहान ५ बजेदेखि बुद्ध पूजा अर्चना, शान्ति पदयात्रा गराइनेछ ।महाबौद्ध गुम्बा तीनखोलेबाट सुरुभइ प्रहरी शिक्षालय, विशाल चोक, दिपेन्द्र चोक, बिरेन्द्र क्याम्पस गेट, लायन्स चोक, सहिद चोक, मिलनरोड, लिलाचोक, रामेश्वर मन्दिर, सब्जिमण्डी, र बुद्ध टोल हुँदै महाबौद्ध गुम्बा प्रवेश गरिने समितिका अध्यक्ष बिकास गुरुङले जानकारी दिनुभयो ।
भगवान् गौतम बुद्धको जन्म बैशाख पुर्णिामाका दिन भएको र बुद्धत्व प्राप्तपनि सोहीदिन तथा देहावसानपनि पुर्णिामाका दिन भएको हुँदा बुद्ध पुर्णिामाको महत्त्व र महिमा बढ्दै गइरहेको छ ।
