भरतपुर/“श्रमको सम्मान, गडी सेक्युरिटीको अभियान” भन्ने मूल नाराका साथ १३५ औं अन्तर्राष्ट्रिय श्रमिक दिवसको अवसरमा शुभकामना आदान प्रदान तथा सम्मान कार्यक्रम २०८१ सम्पन्न भएको छ ।
गडी सेक्युरिटी सर्भिस एण्ड टे«निङ सेन्टर प्रा.लि.का म्यानेजर राजेन्द्र गोलेले स्वागत मन्तव्य राख्नुभएको कार्यक्रममा गडी सेक्युरिटी सर्भिस एण्ड टे«निङ सेन्टर प्रा.लि.का प्रबन्ध निर्देशक अश्विन गोलेले १३५ औं अन्तर्राष्ट्रिय श्रमिक दिवसको अवसरमा देशविदेशमा रहनुभएका श्रमिक लगायत सम्पूर्णमा शुभकामना व्यक्त गर्नुभएको थियो । कार्यक्रममा फिल्ड अफिसर राजकुमार गोलेले श्रमिकहरुको योगदानको कदर गर्दै शुभकामना समेत व्यक्त गर्नुभयो ।
कार्यक्रममा स्थापनाकालदेखि हालसम्म सेवा गर्नुहुने पुरुष सुरक्षागार्डतर्फ टेक बहादुर गुरुङ, महिला सुरक्षा गार्डतर्फ सृजना राना, सरसफाईकर्मीतर्फ सम्झना दरै, स्थापनाकालदेखि बिदा नै नलिई अनवरत रुपमा कार्य गरेको भन्दै केश बहादुर गुरुङलाई नगद सहित सम्मान गरिएको थियो ।
कार्यक्रम अन्तर्गत विभिन्न खेलहरु तथा साँस्कृतिक कार्यक्रम समेत सम्पन्न गरिएको थियो । सोही अवसरमा भएको म्युजिकल चियर कार्यक्रममा अनिषा महतो प्रथम, बेलुन फुटाई कार्यक्रममा विनिता दरै, क्याट टेल कार्यक्रममा हेमराज थापा प्रथम भएका थिए ।
डयुटी अफिसर श्याम बहादुर रानाले सञ्चालन गर्नुभएको कार्यक्रमलाई गडी सेक्युरिटी सर्भिस एण्ड टे«निङ सेन्टर प्रा.लि.का प्रबन्ध निर्देशक अश्विन गोलेले १३५ औं अन्तर्राष्ट्रिय श्रमिक दिवसको सम्पूर्णमा शुभकामना दिदै कार्यक्रमको समापन गर्नुभएको थियो ।