चितवन/दिपाज इभेन्टको आयोजनामा चितवनमा पहिलो पटक आगामी जेष्ठ मसान्तदेखि मिस नेवा ः चितवन संचालन गर्ने शनिबार आयोजित पत्रकार सम्मेलन मार्फत जानकारी गराइएको थियो । युवा व्यवसायी एवम् समाजसेवी राकेशमान श्रेष्ठले कार्यक्रमको उद्देश्य माथि प्रकाश पार्नुभएको थियो । नेवा ः देदवुका केन्द्रिय वरिष्ठ उपाध्यक्ष एवम् नेवा समाज भरतपुरका संस्थापक अध्यक्ष चन्द्रलाल राज भण्डारीको प्रमुख आतिथ्यतामा भएको कार्यक्रममा पत्रकार सम्मेलनमा नेवारी कला संस्कृति र भाषाको संरक्षण तथा प्रतिभा प्रस्फुटन गर्ने उद्देश्यका साथ सो कार्यक्रम आयोजना गरिने आयोजकको दावी छ ।
पत्रकार सम्मेलनमा टोल सुधार समिति स्याउली बजारका अध्यक्ष रामबाबु श्रेष्ठले कार्यक्रममा सहभागी हुनेहरुले पक्कैपनि नेवा समाजको रिजीरिवाज, धर्म लगायतका विषयमा जानकारी प्राप्त गर्ने बताउनुभयो ।
१५ बर्षदेखि ३० बर्षसम्मका अविवाहित केटीहरुले भाग लिन सक्ने प्रतियोगितालाई सम्पन्न गर्न करिब १० लाख खर्च हुने अनुमान गरिएको छ । कार्यक्रममा नाफा हुन आएको रकमको २५ प्रतिशत रकम सामाजिक कार्यमा खर्च गरिने आयोजकको दावी छ ।
स्थानीय जर्जहरुद्वारा छनौट गरिने शुन्दरी प्रतियोगितामा पहिलो चरणमा नै छौट गरिनेछ । भने एक महिनामा दोश्रो अडिसन राखिनेछ । क्रमशः ५० हजार, ३० हजार र २० हजार नगद सहित साथमा ट्रफी, मेडल र प्रमाणपत्रले सम्मान गरिनेछ । प्रतियोगितामा भाग लिनको लागि फारम भर्न सकिने दिपाज इभेन्टकी प्रबन्ध निर्देशक दिपा पाठकले जानकारी दिनुभयो ।
पत्रकार राजु भट्टले सञ्चालन गर्नुभएको कार्यक्रमलाई युवा व्यवसायी एवम् समाजसेवी राकेशमान श्रेष्ठले धन्यवा मन्तव्य सहित समापन गर्नुभएको थियो ।
