चितवन / भरतपुर हाइट टोल बिकास संस्था र स्पन्दन नेपालले भरतपुर हाइटमा वृक्षा रोपण गरेको छ । दुई संस्थाको सयुक्त आयोजनामा (बिहीबार) भरतपुर १० भरतपुर हाइटस्थित नारायणी लिफ्ट खगेरी सिंचाइको मुल नहरको डिलमा वृक्षा रोपण गरिएको हो । विभिन्न जातका करिब ८५ वटा विरुवा रोपिएको कार्यक्रम संयोजक टोल बिकास संस्थाकी सह-सचिव अनिता खनालले जानकारी दिईन् ।
कार्यक्रमका प्रमुख अतिथी टोल बिकास संस्थाका अध्यक्ष शिवराज गिरीले गुल्मरको विरुवा रोपेर वृक्षा रोपण कार्यक्रमको उद्घाटन गरेका थिए । वातावरण संरक्षण एवम हरियाली बनाउनका लागि सबै टोल बिकास संस्थाहरुले वृक्षा रोपण गर्नुपर्ने गिरीले बताए । शहरी क्षेत्रमा बोट विरुवा मासिदै जाँदा प्रदुषण बढेको भन्दै उनले वृक्षा रोपण गरेर वातावरण संरक्षणमा लाग्न सबैलाई आग्रह पनि गरे ।
कार्यक्रमका सभापति स्पन्दन नेपालकी अध्यक्ष इन्दिरा भुषालले वार्षिक रुपमा नै गरिदै आएको वृक्षा रोपणलाई यस बर्ष पनि निरन्तरता दिइएको बताईन् । आफ्नो टोल आँफै हरियाली बनाऔं भन्ने लक्ष्यसाथ हरेक बर्ष यसरी नै विभिन्न जातका विरुवा रोप्दै आएको उनको भनाई छ ।
