भरतपुर/चितवन उद्योग संघको अयोाजनामा उद्योग वाणिज्य संघ चितवनका नवनिर्वाचित पदाधिकारी एवम् सदस्यज्यूहरुसँग परिचयात्मक कार्यक्रम सम्पन्न भएको छ । चितवन उद्योग संघका अध्यक्ष सूर्य प्रसाद न्यौपानेले स्वागत मन्तव्य सहित संघको विगत र वर्तमान, चितवन उद्योग संघले अघि सारेका महत्वपूर्ण परियोजनाहरु, साँगठिनक संरचना, संघले गर्दै आएको महत्वपूर्ण क्रियाकलापहरु, अबको कार्यदिशाको बारेमा प्रकाश पार्नुभएको थियो । कार्यक्रममा उद्योग वाणिज्य संघ चितवनका अध्यक्ष सुमनकुमार श्रेष्ठले संघले उद्योगीहरुसँग परिचय गर्ने अवसर प्रदान गरेकोमा हार्दिक आभार व्यक्त गर्दै उद्योगी, व्यवसायीका हकहितका लागि आफूहरु सदैव तयार रहेको बताउनुभयो ।

कार्यक्रममा उद्योग वाणिज्य संघ चितवनका वरिष्ठ उपाध्यक्ष चिरञ्जीवी सुवेदी, वाणिज्यतर्फ उपाध्यक्ष राजेन्द्र ओली, उद्योग उपाध्यक्ष अशोक अधिकारी, कर्पोरेट वस्तुगत उपाध्यक्ष नारायण प्रधान, उद्योगतर्फ कार्यसमिति सदस्यहरु ईमान्दु बराल, अशोक श्रेष्ठ, धनप्रसाद पोखरेल, उपेन्द्र पण्डित, वाणिज्यतर्फ कार्यसमिति सदस्यहरु श्रीकृष्ण लम्साल, दिपा शाही, सन्तोष जनक भुसाल, दाताराम घिमिरे, सुनिता लिगल कर्माचार्य, कार्यसमिति सदस्य महिला, अस्मिता तिमिल्सिना, कार्यसमिति सदस्य कर्पोरेटतर्फ अमित कौडेल, राजकुमार कानु, कार्यसमिति सदस्य वस्तुगततर्फ दिपक काफ्ले, बिष्णु लम्साल लगायतलाई  स्वागत गरिएको थियो ।