रत्ननगर/चितवन मेटल इन्जिनियरिङ्ग एण्ड फेब्रिकेशन उद्योग समिति, रत्ननगर समितिको चौथो साधारणसभा तथा दोश्रो अधिवेशन सम्पन्न भएको छ ।
चितवन मेटल इन्जिनियरिङ्ग एण्ड फेब्रिकेशन उद्योग समिति, रत्ननगर समितिका अध्यक्ष इन्द्र प्रसाद रिमालको अध्यक्षतामा सम्पन्न साधारणसभा तथा अधिवेशनमा चितवन मेटल इन्जिनियरिङ्ग एण्ड फेब्रिकेशन उद्योग समितिका अध्यक्ष तारा बहादुर कार्की प्रमुख अतिथि रहनुभएको थियो । प्रमुख अतिथि कार्कीले मेटल उद्यमीहरुका समस्याका लागि मेटल उद्यमीहरु एकै ठाउँमा उभिएर अगाडि बढ्नुपर्ने बताउनुभयो । कार्यक्रमका विशिष्ट अतिथि रत्ननगर नगरपालिका वडा नं. ८ का वडासदस्य बिष्णु अर्यालले उद्योगीहरुले एक आपसमा सहयोगी भावना भएर कार्य गर्दै जाने हो भने आफ्नो उद्योग व्यवासायसँगै राष्ट्रको आर्थिक आर्जनमा समेत टेवा पुग्ने बताउनुभयो । त्यस्तै अर्का विशिष्ट अतिथि चितवन उद्योग संघका कार्यसमिति सदस्य एवम् रत्ननगर समितिका अध्यक्ष उमाकान्त पौडेलले कार्यक्रमको सफलताको शुभकामना व्यक्त गर्नुभएको थियो । त्यस्तै अर्का विशिष्ट अतिथि चितवन मेटल इन्जिनियरिङ्ग एण्ड फेब्रिकेशन उद्योग समितिका उपाध्यक्ष एवम् कृष्ण प्रसाद भण्डारीले मेटल उद्यमीहरुमा हुने दुर्घटनासँग सम्बन्धित विषयहरुमा जानकारी गराउनुभएको थियो ।
चितवन मेटल इन्जिनियरिङ्ग एण्ड फेब्रिकेशन उद्योग समिति, रत्ननगर समितिका उपाध्यक्ष गणेशराज रेग्मीले स्वागत मन्तव्य राख्नुभएको कार्यक्रममा चितवन मेटल इन्जिनियरिङ्ग एण्ड फेब्रिकेशन उद्योग समिति, रत्ननगर समितिका अध्यक्ष इन्द्र प्रसाद रिमालले वार्षिक प्रगति प्रतिवेदन र चितवन मेटल इन्जिनियरिङ्ग एण्ड फेब्रिकेशन उद्योग समितिका कोषाध्यक्ष राजकुमार श्रेष्ठले आर्थिक प्रगति प्रतिवेदन पेश गर्नुभएको थियो ।
कार्यक्रममा प्रमुख निर्वाचन अधिकृत गोविन्द प्रसाद खनालले अधिवेशनबाट निर्वाचित नवनिर्वाचित कार्यसमितिको नामावली घोषणा गर्नुभएको थियो । नवनिर्वाचित कार्यसमितिको अध्यक्षमा गणेशराज रेग्मी, उपाध्यक्षहरुमा रामकृष्ण श्रेष्ठ, प्रदिप पटेल, चुडामणी चौधरी, सदस्यहरुमा शेर बहादुर मगर, अफताप आलम, झनक ढुङ्गेल, रोशन चौधरी, कृष्ण अर्याल रहनुभएको थियो ।
नवनिर्वाचित कार्यसमितिहरुलाई प्रमुख निर्वाचन अधिकृत गोविन्द प्रसाद खनालले सपथ खुवाउनुभएको थियो । कार्यक्रममा चितवन मेटल इन्जिनियरिङ्ग एण्ड फेब्रिकेशन उद्योग समितिका पदाधिकारी एवम् सदस्यहरु, मेटल उद्यमीहरु लगायतको उपस्थिति रहेको थियो ।
चितवन मेटल इन्जिनियरिङ्ग एण्ड फेब्रिकेशन उद्योग समितिका उपाध्यक्ष दुर्गालाल सापकोटाले सञ्चालन गर्नुभएको कार्यक्रमलाई चितवन मेटल इन्जिनियरिङ्ग एण्ड फेब्रिकेशन उद्योग समितिका उपाध्यक्ष राजकुमार श्रेष्ठले धन्यवाद मन्तव्य सहित कार्यक्रमको समापन गर्नुभएको थियो ।