गोविन्द घिमिरे
गैडाकोट, ५ असार /पूर्वि नवलपरासीको गैँडकोटमा सामुहिक केरा खेतीको सुरुवात गरिएको छ । गैँडाकोट नगरपालिका वडा नम्बर १ मा सेभेन सिस्र्टस कृषि बहुउदेश्यीय समुहका महिलाहरु मिलेर सामुहिक रुपमा केरा खेतीको आरम्भ गरेका हुन । आज विहान एक कार्यक्रमका विच वडा नम्बर एकका अध्यक्ष हरिप्रसाद सापकोटा र वडा नम्बर दुईका अध्यक्ष धुव्रराम पौडेलले संयुक्त रुपमा केराको बोट रोपी कार्यक्रमको उद्घाटन गर्नुभयो ।
गैँडाकोट नगरपालिका वडा नम्बर एक स्थित नारायणी नदी किनारमा रहेको करिव १६ कठ्ठा जग्गा १० वर्षका लागी भाडामा लिएर आफुहरुले केरा खेतीको सुरुवात गरेको सेभेन सिस्र्टस कृषि बहुउदेश्यीय समुहका अध्यक्ष शकुन्तला तिवारीले बताउनु भयो । कृर्षि विज्ञले माटोको पहिचान गरि केरा खेतीका लागी उपयुक्त बताएपछि आफुहरुले केरा लगाउने निधो गरेको उहाँले बताउनु भयो ।कार्यक्रममा बोल्दै प्रमुख अतिथि हरिप्रसाद सापकोटाले महिला दिदि बहिनि मिलेर सामुहिक रुपमा गरिएको कृर्षि कर्म उदाहरणीय भएको बताउँदै उत्पादन सँग जोड्नु पर्नेमा जोड दिनुभयो । उहाँले स्थानीय सरकारबाट आउने सहयोगका लागी आफुले पहल गर्ने बताँउदै केरा खेतीलाई थप विस्तार गर्दै अगाडी बढ्न सुझाव दिनुभयो ।
कार्यक्रममा बोल्दै विशिष्ट अतिथि वडा नम्बर २ का अध्यक्ष धुव्रराम पौडेलले कृषि समुह गठन गरि महिला दिदिवहिनि मिलेर सामुहिक खेतीको सुवात गरेको भन्दै खुसी ब्यक्त गर्नुभयो । उँहाले चुलोचौकोमा सिमित नभई महिलाहरु उत्पादन तर्फ अगाडी बढ्नुपर्ने भन्दै महिला दिदिवहिनिहरुलाई हरेक समयमा सहयोग गर्न आफु तयार रहेको बताउनु भयो । कार्यक्रममा वडा सदस्य सीता सापकोटा, समाजसेवी षडानन्द लामिछाने, वडा नम्बर एकका सचिव पदमप्रसाद अधिकारी कृषि समुहकी सचिव बिमला लम्साल कोषाध्यक्ष निर्मला ढकाल , लगायतले बोल्नु भएको थियो ।
