रत्ननगर/पाैषकाे अन्तिम साता टिकाैली चाैरमा सुरु हुने रत्ननगर महाेत्सवलाई उद्देश्य अनुसार सार्थक बनाउने सराेकारबालाहरुले प्रतिबद्धता जनाएका छन् । महाेत्सवकाे आयाेजक संस्था रत्ननगर उद्योग बाणिज्य संघले विहीबार वडाध्यक्ष, व्यवसायी तथा विभिन्न जातजातीका संगठनका प्रमुखहरुसंग छुट्टाछुट्टै अन्तरक्रिया गरेकाे थियाे । कार्यक्रममा सहभागीहरुले महाेत्सवलाई सफल बनाउनु पर्नेमा जाेड दिएका थिए । महाेत्सवले स्थानीय स्तरमा आर्थिक चलायमान गराउने भन्दै उनीहरुले उद्देश्य मुताविक महाेत्सवलाई सार्थक बनाउने प्रतिबद्धता जनाएका थिए ।

संघका अध्यक्ष शंकर गिरीकाे अध्यक्षतामा भएकाे कार्यक्रममा रत्ननगर नगरपालिकाका वडाध्यक्ष्, पूर्वी चितवनका खैरहनी उद्योग वाणिज्य संघ, राप्ती उद्योग वाणिज्य संघ, क्षेत्रीय होटल संघ, साना पर्यटन व्यवसायी, विभिन्न उद्योगी व्यवसायीहरु संग छलफल गरिएकाे हाे । वडाध्यक्षहरुले स्थानीय उत्पादनहरुलाई प्रोत्साहन गर्ने, कृषिलाई प्राथमिकता साथ अगाडि बढाउन आग्रह गरेका थिए ।

जनजातीका अगुवाहरुसंगकाे छलफलमा महाेत्सव परिसरमा जातिय पहिचान झल्किने घर निर्माण गर्ने र संस्कृति संरक्षणकाे विषयलाई पनि महाेत्सवमा जाेड दिने सहमती भएकाे अध्यक्ष गिरीले जानकारी दिए । रत्ननगर नगरपालिकाको संरक्षकत्वम पौष २६ देखि माघ ८ गते महाेत्सवकाे १२औं संस्करण हुँदैछ । संघले महाेत्सवकाे तयारीलाई तीब्र पारेकाे संघका बरिष्ठ उपाध्यक्ष निराजन खनालले जानकारी दिए ।