भरतपुर/नवलपरासीको थुम्सीमा वि.सं. २०५६ साल मंसिर १७ गतेबाट सेवा शुभारम्भ भई आम ग्राहकहरुको सामु स्थानीय मौलिक गुरुङ समुदायको खाना पस्कदै आईरहेको पाते ढिंडो होटल एण्ड रेष्टुरेण्ट यहाँहरुकै अपार माया र सद्भावले २४ वर्ष पुरा गरी २५ औं वर्षमा प्रवेश गर्दैछ । साँढे २ दशकको यात्रामा ग्राहकहरुले देखाउनु भएको माया र सद्भावका कारण पाते ढिंडोलाई थप व्यवस्थित र परिष्कृत गर्दै नयाँ ढङ्गबाट अगाडी बढाईने लक्ष्य लिइएको बृखलाल गुरुङले जानकारी दिनुभयो ।
पहिलो पटक लेकाली पोखराको प्रवद्र्धन र सहकार्यमा हाम्रो पहिलो शाखा भरतपुर–१०, शिखरचोकमा (सप्तगण्डकी कलेज नजिक) वार्षिकोत्सवको अवसर पारि २०८० मंसिर १७ गतेदेखि पाते ढिंडो होटल एण्ड रेष्टुरेण्टबाट पाते ढिंडो एण्ड बिच रिसोर्ट प्रा.लि. को नामबाट आशिंक शुभारम्भ गरी संचालनमा ल्याउदैछौं ।
हाल पाते ढिंडो होटल एण्ड रेष्टुरेण्टको शाखा भन्दै हामीसँग मिल्ने गरी उस्तै नाम राखेर विभिन्न स्थानमा होटल खोली आम ग्राहक महानुभावहरुमा भ्रम सिर्जना गर्ने काम भैरहेको छ । हालसम्म हाम्रो कुनै पनि स्थानमा कुनै पनि शाखा नभएको सञ्चालक बृखलाल गुरुङले जानकारी गराउनुभयो । यहि भ्रम चिर्नलाई र तपाईहरुको माया, सद्भावलाई अझ विस्तारित व्यवस्थित बनाउन थप सेवा सहित पहिलो शाखा विस्तार सुरु गरेका छौं –गुरुङले भन्नुभयो ।
पहिलो शाखा विस्तारसँगै हामीले हाम्रो सेवामा ग्राहकरुको आवश्यकतालाई मध्यनजर गर्दै अझ सेवाहरु थप गरेका छौं । थप सेवाको रुपमा विशेष परीकारहरु ग्राहककै अगाडी पकाई (लाईभ) धराने बुंगुरको सेकुवा, चिकेन सेकुवा, मटन सेकुवा, बफ सेकुवा र स्वादिष्ट फास्टफुडको परिकारहरु पस्कनेछौं । साथै विभिन्न संघसंस्था, व्यावसायीक प्रतिष्ठानको लागि आवश्यक सभा, सेमिनार, गोष्ठी गर्न, बर्थ–डे, एनिभर्सरीको उत्सव मनाउनका लागि १ सय जनासम्मको क्षमता भएको सुविधा सम्पन्न वातावरणानुकुलीत (एसी) सेमिनार हल र १५ जनासम्मको लागि ६ वटा प्राइभेट वातावरणानुकुलीत (एसी) डाइनिङ हलको समेत सुविधा थपेका छौं ।
नयाँ शाखा संचालनका लागि करिब २ करोड रुपैयाँ लगानी भएको छ भने हामीले तत्काल २२ जनालाई रोजगारी दिएका छौं । साथै अंग्रेजी नयाँवर्षको दिन १ जनवरी २०२४ मा ग्राण्ड ओपनिङ गरिनेछ र सो बेलासम्म करिब ३५ जनाले रोजगारी पाउनेछ । योसँगै हामी थप लगानी गर्दै देशका मुख्य शहरहरुमा हाम्रा थप शाखाहरु खोल्दै लैजानेछौं गुरुङले बताउनुभयो ।
