राजु भट्ट/असार १

भरतपुर/चितवन उद्योग संघ र भरतपुर महानगरपालिका कार्यालयबीच औद्योगिक प्रबर्धनका विषयमा छलफल भएको छ । विगतदेखि नै महानगरको समृद्धि र औद्योगिक प्रवर्धनका कार्यहरुमा सहकार्य हुँदै आईरहेको, औद्योगिक प्रबर्धन गर्ने कार्यमा निर्माण प्रारम्भ देखि हाल निर्माणाधिन चितवन प्रदर्शनी केन्द्रको सचिवालय भवनको निर्माण प्रक्रियाको विषयमा छलफल गरिएको थियो ।

छलफलमा महानगरले चालेका सम्पूर्ण गतिविधिहरुमा संघको तर्फबाट महत्वपूर्ण सहयोग हुँदै आएको र महानगरको समृद्ध महानगर निर्माण अभियानमा चितवन उद्योग संघको महत्वपूर्ण भूमिका र निरन्तर साथ सहयोगको अपेक्षा रहेको भरतपुर महानगरपालिकाकी प्रमुख रेनु दाहालले बताउनुभयो ।

त्यस्तै महानगरको अभियानमा निर्माणाधिन गौतमबुद्ध अन्तर्राष्ट्रिय क्रिकेट रंगशाला निर्माणका लागि नगद तथा जिन्सी सहयोग, कोरोना भाइरस (कोभिड–१९) संक्रमण रोकथामका लागि भरतपुर महानगरपालिकाले संघको परिसरमा रहेको चितवन प्रदर्शनी केन्द्रलाई भरतपुर कोरोना विशेष (अस्थायी) अस्पताल सञ्चालनको लागि माग गरे बमोजिम संघबाट सबै भवनहरु प्रदान गरेको, रोजगारी सिर्जना, राजश्व वृद्धि र महानगरभित्र औद्योगिक विकासमा टेवा पु¥याएको, संघको तर्फबाट नीतिगत रायसुझाव प्रदान गर्दै आएको र महानगरले अघि सारेका महत्वपूर्ण प्रस्तावहरुमा समेत संघद्वारा सहयोग गर्दै आएको महानगरका प्रमुख प्रशासकीय अधिकृत प्रेमराज जोशीले बताउनुभयो ।

त्यस्तै विगतका आर्थिक वर्षहरुमा महानगरबाट उद्योगी, व्यवसायीहरुबाट उठेको करबाट संघलाई प्रदान गरिएको रकमको खर्च विवरण पेश गर्दै आगामि दिनहरुमा समेत महानगरबाट साथ सहयोग रहनेमा पूर्ण विश्वस्त हुँदै हरेक कार्यक्रमहरुमा समन्वयका साथ सहयोग आदान प्रदान हुनुले नै दुई संस्थाबीच भावनात्मक सम्बन्ध सुमधुर बनेको चितवन उद्योग संघका अध्यक्ष राजु पौडेलले बताउनुभयो ।
छलफल कार्यक्रममा चितवन उद्योग संघका अध्यक्ष राजु पौडेल, भरतपुर महानगरपालिकाका प्रमुख रेनु दाहाल, प्रमुख प्रशासकीय अधिकृत प्रेमराज जोशी, संघका उपाध्यक्षहरु त्रिलोचन कँडेल, सूर्यप्रसाद न्यौपाने, मदन घिमिरे, गजेन्द्र अधिकारी, युग राज वस्ती, कार्यकारी निर्देशक गणेशप्रसाद सिलवाल, सञ्चार अधिकृत राजु भट्टलगायतको सहभागिता रहेको थियो ।