चितवन/चितवन सेवा समाज अन्तराष्ट्रिय समन्वय समिति नेपालको पाँचौ विश्व सम्मेलन तथा १० औं साधारण सभा भरतपुरमा हुने भएको छ । समाजले विश्व सम्मेलन तथा साधारण सभा असाेज २७ गते भरतपुरमा हुने एक पत्रकार सम्मेलनमार्फत जानकारी दिएको हो । कार्यक्रमको गृहमन्त्री नारायणकाजी श्रेष्ठले उद्घाटन गर्ने समाजका अध्यक्ष समिर खत्रीले जानकारी दिनुभयो । सम्मेलनबाट समाजले गर्दै आएका सामाजिक कार्यहरु बढाउँदै जाने, विदेशमा छरिएर रहेका नेपालीहरुलाई समेट्ने र उनीहरुका ज्ञान र सीपलाई नेपालको विकासमा प्रयोग गर्ने लक्ष्य रहेको खत्रीले बताउनुभयो । कार्यक्रममा चितवनको विकास,वैदेशिक रोजगारका समस्या र समाधान,बिश्वमा रहेका चितवनवासीहरुको एकताको वारेमा चर्चा हुने छ ।

साधारण सभाले आगामी नयाँ नेतृत्व समेत चयन गर्ने छ । समाजले अबको २ वर्ष भित्र आफ्नै भवन पनि निर्माण गर्ने पनि अध्यक्ष खत्रीले बताए । यसका लागि काम सुरु भइसकेको उहाँले जानकारी दिनुभयो । चितवनको विकास र सामाजिक भावना, समाजको एकता र समृद्धिको चाहना भन्ने मूल नाराका साथ २०६९ सालमा स्थापना भएको यस संस्थाले शैक्षिक विकास,गरिबी निवारण, प्राकृतिक विपत्तिमा मानवीय सहयोग, चेतना विस्तार लगायतका क्षेत्रमा धेरै काम गर्दै आइरहेको छ ।