भरतपुर/“हामी सबैको चाहना, आपसी सहयोग र सद्भावना” भन्ने मूल उद्देश्यका साथ स्थापना भएको टोल सुधार समिति स्याउलीबजारको रजत जयन्ती समारोहको अवसरमा सप्ताहव्यायी कार्यक्रमहरु सञ्चालन भईरहेका छन् । कार्यक्रम अन्तर्गत पहिलो चरणमा बालबालिकाहरुको स्वास्थ्य परीक्षण तथा मधुमेह सम्बन्धि जनचेतना साथै निःशुल्क मधुमेह परीक्षण गरिएको थियो । त्यस्तै दोश्रो चरणका कार्यक्रम अन्तर्गत बृहत सरसफाई तथा वातावरण संरक्षण कार्यक्रम सम्पन्न भएको छ ।

टोल सुधार समिति स्याउली बजारका सल्लाहकारहरु, पूर्व अध्यक्ष, पदाधिकारी एवम् सदस्यहरु, आमा समूह स्याउलीबजारका पदाधिकारी एवम् सदस्यहरु लगायत टोलवासीहरुले स्याउलीबजार क्षेत्र वरिपरि सरसफाई गरेका थिए । टोल सुधार समिति स्याउलीबजारका अध्यक्ष मधुसुदन दवाडीको नेतृत्वमा सम्पन्न सरसफाई कार्यक्रममा भरतपुर महानगरपालिका वडा नं. १० का वडाअध्यक्ष परमेश्वर खनालको समेत गरिमामय उपस्थिति रहेको थियो ।