काठमाडौँ/समाजशास्त्री हरिहर घिमिरेलाई विद्यावारिधीको उपाधी प्रदान गरिएको छ । विगत २० वर्षदेखि पाटन संयुक्त क्याम्पसमा उपप्राध्यापकका रुपमा कार्यरत घिमिरेलाई त्रिभुवन विश्वविद्यालयले विद्यावारिधीको उपाधी प्रदान गरेको हो । उहाँले समाजशास्त्र विषयमा एक दर्जनभन्दा बढी पुस्तक प्रकाशित गरिसक्नुभएको छ । घिमिरेले विद्यावारिधीका क्रममा ‘चेन्जिङ जेण्डर रोलस् एक्रस जेनेरेशन इन काठमाडौँ’ शीर्षकमा विद्यावारिधी गर्नुभएको थियो । उहाँले विस २०७३ माघदेखि विद्यावारिधीका लागि शोध अनुसन्धान सुरु गर्नुभएको थियो । विस २०२४ सालमा चितवनमा जन्मनुभएका घिमिरेले पूर्वी चितवनको पञ्चकन्या माध्यामिक विद्यालयबाट एसएलसी उर्तिण, बालकुमारी बहुमुखी क्याम्पस चितवनबाट आइएल, नेपाल ल क्याम्पस प्रदर्शनीमार्गबाट विएल र त्रिभुवन विश्वविद्यालय समाजशास्त्र केन्द्रीय विभागबाट स्नातकोत्तर गर्नुभएको छ ।