चितवन/ चितवनमा राहदानी बनाउनेको संख्या यो आर्थिक बर्षमा ह्वात्तै बढेको छ । आर्थिक बर्ष ०७७र७८ मा ८ हजार ४ सय ७५ जनाले राहदानी बनाएका थिए । यसैगरी आर्थिक बर्ष ०७८र७९ मा १६ हजार २ सय ९६ जनाले राहदानी लिएका छन् । त्यस्तै यो आर्थिक बर्षमा २६ हजार ५ सय ६५ जनाले राहदानी बनाएको जिल्ला प्रशासन कार्यालय भरतपुर चितवनका प्रशासकीय अधिकृत आनन्द बंश न्यौपानेले बताउनुभयो ।
Advertisement
उहाँका अनुसार नाबालक परिचय पत्र बनाउने प्रचलन समेत बढेको उहाँको भनाइ छ । आर्थिक बर्ष ७७ देखि हालसम्म ३ बर्षको पिरिएडमा आर्थिक बर्ष ०७७र७८ मा ४ सय ६३ जना यसैगरी आर्थिक बर्ष ०७८र७९ मा १ हजार ९ जना र यो आर्थिक बर्षमा १ हजार ७ सय ५ जनाले नाबालक परिचय पत्र बनाएका छन् ।
पछिल्लो समय नेपालमा रोजगारीको अबसर सिर्जना नहुँदा युवाहरु बिदेशीने क्रम बढेको छ । यसले गर्दा बिद्यार्थीहरु उच्च शिक्षा अध्ययन गरेपछि वैदेशिक रोजगारी र अध्ययनको सिलसिलामा बिदेशीने क्रम बढेको हो । युवाहरु यसरी राहदानी बनाएर बिदेश पलायन हुने क्रम बढ्दै जाँदा यसको असर नेपालको शिक्षा क्षेत्रमा समेत बढ्न सक्ने शिक्षा बिदहरुको भनाइ छ । भने सरकारले युवाहरुका लागि आफ्नै देशमा उद्योग, कलकारखाना जस्ता विभिन्न रोजगारीका अबसरहरु सिर्जना नगर्दा कृषि क्षेत्रमा समेत कृषि कर्म गर्नेहरुको अभाव देखिन थालेको छ ।
