गैँडाकोट/गैँडाकोट नगरपालिका भित्रका संस्थागत विद्यालय अन्तर्गत गैँडाकोट ईंग्लीस स्कूल ‘क’ श्रेणीमा पर्न सफल भएको छ । गैँडाकोटका २० वटा संस्थागत विद्यालय मध्ये ‘क’ श्रेणीमा पर्ने गैँडाकोट ईङ्लीस स्कूल एक मात्र विद्यालय हो ।
विद्यालयका प्राचार्य हिरालाल अर्यालले पत्रकार सम्मेलनमा विद्यालयको शैक्षिक तथा भौतिक पूर्वाधारको क्षेत्रमा विद्यालयको लगानी, विद्यालयको भौतिक संरचना, समुदायको सहभागिता, अभिभावकको चासो लगायतका विषयमा नगरपालिकाले अध्ययन गरेर उत्कृष्ट विद्यालय घोषणा भएको बताउनुभयो ।
प्राचार्य अर्यालले पत्रकार सम्मेलनमा केही दिन अघि मात्र गैँडाकोट नगरपालिकाले संस्थागत विद्यालयहरुको श्रेणी वर्गीकरण गरेको जानकारी गराउनुभयो ।
विद्यार्थी मूल्याङ्कन प्रक्रिया, शिक्षकहरुको पेशागत विकास, व्यवस्थापन र विद्यालयले आयोजना गर्ने अतिरिक्त क्रियाकलापहरुका कारण उपलब्धी हासिल गर्न सफल भएको विद्यालयका प्राचार्य हिरालाल अर्यालले बताउनुभयो ।
२०६२ सालमा स्थापना भएको विद्यालयको २०७१ सालदेखि अहिलेको व्यवस्थापनले विद्यालयलाई सञ्चालन गर्दै डेकेयर देखि कक्षा १२ सम्मको पठनपाठन हुने यस विद्यालयमा १३ सय विद्यार्थीहरूले शिक्षा लिइरहेका छन् ।
गैँडाकोट नगरपालिका शिक्षा, युवा तथा खेलकुद शाखाले विभिन्न आधार र सूचकहरूबाट विद्यालयको शैक्षिक, भौतिक तथा अन्य विभिन्न पक्षको अध्ययन गरेर जुन वर्गीकरण गरेको छ । यसले हामीलाई हौसलाको अनुभूति भएको महशुस पनि भएको अर्यालले बताउनुभयो ।
हामीले शिक्षा क्षेत्रमा केही गर्नुपर्दछ भनेर ८ बर्ष पहिलेबाट गैँडाकोट इङ्गलिस स्कुल राम्रो बनाउने शैक्षिक अभियानमा लागेका थियौँ । ८ वर्ष अघि अभिभावक र समुदायको नजरमा नपरेको विद्यालयमा परिवर्तनका गतिविधि ग¥याँै । अहिले स्थानीय सरकारले त्यसको मूल्याङ्कन गरी ‘क’ श्रेणीमा पर्नुमा खुसी व्यक्त गर्नुभयो ।