नेपाली काङ्ग्रेसका केन्द्रिय सदस्य प्रदीप पौडेलले गठबन्धन कुनै पनि हालतमा स्वीकार्य नहुने बताउनु भएको छ । नेपाली काङ्ग्रेसका लागि कुनै पनि चुनाब लड्न गठबन्धन आबश्यक छैन पौडेलले भन्नू भयो । उहाँले अन्य राजनीतिक दलहरुलाइ काङ्ग्रेससग गठबन्धन गरेर चुनाव जित्ने दिवा सपना नदेख्न पनि चेतावनी दिनु भयो । नेपाली काङ्ग्रेस भरतपुर महानगर समितिले आयोजना गरेको महानगर सम्मेलनलाई आज भरतपुरमा सम्बोधन गर्दै केन्द्रिय सदस्य पौडेलले सरकार भ्रष्टाचारको जालोबाट पन्छिन नमिल्ने तर्क राख्नु भयो । भ्रष्टाचारको जालो पन्छ्याउन नेपाली काङ्ग्रेस अग्रसर रहेको उल्लेख गर्दै पौडेलले सरकार पनि यो बिषयमा गम्भीर हुनुपर्ने बताउनु भयो ।

भ्रष्टाचारको बिषयमा नेपाली काङ्ग्रेस जहाँ र जस्तोसुकै अवस्थामा पनि उभिन तयारी छ पौडेलले भन्नुभयो । नेता पौडेलले पार्टीको पद्धति नै खराब भएको प्रती सकेत गर्दै पद्धति नै गुट उपगुट बनाउने खालको रहेको समेत प्रष्ट पार्नु भयो । उहाले यो पद्धति नहटे सम्म गुटबन्दीको अन्त्य नहुने बताउनु भयो । अब नयाँ पद्धतिको बिकास गराइ आमूल परिवर्तन ल्याउन जरुरी छ पौडेलले भने । त्यस्तै सम्मेलनलाइ सम्बोधन गर्दै नेपाली काङ्ग्रेसका केन्द्रिय सदस्य टेक प्रसाद गुरुङले गठ्बन्धनका कारण पार्टीलाई काम गर्न अप्ठ्यारो भएको टिप्पणी गर्नु भयो । उहाले शुशासन कायम गर्न र गराउन नेपाली काङ्ग्रेस कटिबद्ध छ तर त्यसलाइ अगाडि बढाउने सवालमा गठबन्धन तगारोको रुपमा रहेको बताउनु भयो । नेपाली काङ्ग्रेस चितवनका सभापति राजेश्वर खनालले पार्टी अब नयाँ शिराबाट अगाडि बढनुपर्ने आबश्यक्ता रहेको बताउनु भयो ।

पार्टी भित्र अब मित्रताको व्यबहार हुन जरुरी छ सभापति खनालले भन्नु भयो । त्यस्तै महानगर सभापति चित्रसेन अधिकारीले महानगर सम्मेलन पार्टीको सिपाहीका लागि कोशेढुङ्गा सावित हुने बताउनु भयो । सम्मेलनले नेपाली काङ्ग्रेसको मर्म र सिद्धान्तलाई आत्मसात गरेर भावी दिनहरुमा समाजमा शुसाशन कायम गराउन मद्दत पुर्‍याउनेमा बिश्वास व्यक्त गर्नु भयो । सम्मेलनमा नगर सचिब कृष्ण प्रसाद बगालेले सचिबको प्रतिबेदन प्रस्तुत गर्नु भएको थियोे भने कोषाध्यक्षको प्रतिबेदन बिष्णु प्रसाद कडेलले प्रस्तुत गर्नु भएको थियोे । महानगर सम्मेलनमा नेपाली काङ्ग्रेस चितवनका निबर्तमान सभापति जितनारायण श्रेष्ठ,बागमती प्रदेश सदस्य बिनु रायमाझी,माहाधिवेशन प्रतिनिधि पार्बती शाह,महानगर समितिका निबर्तमान सभापति भरत अधिकारी,जनप्रतिनिधिहरुको तर्फबाट भरतपुर १७ का वडा अध्यक्ष ललितमान तामाङ,पार्टीको वडा न ४ का सभापति नारायण अधिकारी लगाएतले बोल्नु भएको थियोे । नेपाली काङ्ग्रेस चितवनले भाद्र २३ र २४ गते जिल्ला सम्मेलन गर्ने तयारी समेत गरेको छ ।