भरतपुर/श्री त्रिगंगा बचत तथा ऋण सहकारी संस्था लिमिटेडको तीनवटै सेवा केन्द्रहरुको प्रतिनिधि छनौट भेलासँगै १० औं बार्षिक साधारण सभा सम्पन्न भएको छ । श्री त्रिगंगा बचत तथा ऋण सहकारी संस्था लिमिटेडका अध्यक्ष लोक बहादुर रानाभाटको अध्यक्षतामा साकोस अन्तर्गत रहेको चनौली सदस्य सेवा केन्द्रको पहिलो प्रतिनिधि छनौट भेला श्रावण २८ गते चनौली पार्टी प्यालेसमा सम्पन्न भयो । कार्यक्रममा भरतपुर महानगरपालिका वडा नं १८ का वडा अध्यक्ष बाबुराम राना प्रमुख अतिथि रहनुभएको थियो ।
त्यस्तै लिमिटेडका अध्यक्ष लोक बहादुर रानाभाटको अध्यक्षतामा श्रावण २९ गते पोखरीचोक सदस्य सेवा केन्द्रको निर्भाना पार्टी प्यालेसमा सम्पन्न प्रतिनिधि छनौट भेलामा सहकारी तथा रोजगार प्रबद्र्धन शाखाका प्रमुख रोजी केसी प्रमुख अतिथि रहनुभएको थियो ।
त्यस्तै श्रावण ३० गते मुख्य कार्यालय नारायणगढ कार्यालय परिसरमा प्रतिनिधि छनौट भेला सम्पन्न भयो । साधारणसभाको समापन गरिएको थियो ।
त्यसैगरी श्री त्रिगंगा बचत तथा ऋण सहकारी संस्था लिमिटेडका अध्यक्ष लोक बहादुर रानाभाटको अध्यक्षतामा श्रावण ३१ गते दियालो फुडल्याण्डमा १० औं बार्षिक साधारण सभाको समापन कार्यक्रम सम्पन्न गरियो । साधारणसभामा भरतपुर महानगरपालिका वडा नं ०२ का वडा अध्यक्ष मनोज रानाभाट प्रमुख अतिथि रहनुभएको थियो ।
आ.व.०८०/०८१ मा साधारणसभा गर्ने पहिलो साकोसको रुपमा आफलाई स्थापित गरेको साकोसको साधारणसभामा अध्यक्षको बार्षिक प्रतिवेदन, सञ्चालक समितिको तर्फबाट सचिवको आ.व.०७९/०८० को प्रगति प्रतिवेदन तथा आ.व.०८०/०८१ को प्रस्तावित बार्षिक बजेट र नीति तथा कार्यक्रम, लेखा सुपरीवेक्षण समितिबाट आ.व.०७८/०७९ को प्रगति प्रतिवेदन, आ.व.०७९/०८० को बार्षिक लेखा प्रतिवेदन, आ.व.०७९/०८० मा सञ्चालक समिति, लेखा सुपरीवेक्षण समिति तथा विभिन्न उप समितिहरुबाट विभिन्न मितिमा भएका निर्णयहरु अनुमोदन लगायतका विषयहरुमा छलफल गरी समितिबाट अनुमोदन समेत गरिएको थियो ।
साधारणसभामा सञ्चालक समिति, लेखा सुपरिवेक्षण समिति, तीनवटै सदस्य सेवा केन्द्रबाट छनौट भएका प्रतिनिधिहरु, विभिन्न उप समिति, सल्लाहकार, संस्थापक शेयर सदस्यहरू र सस्थाका कर्मचारीहरुको सहभागिता रहेको थियो ।
