कार्यक्रममा बोल्दै प्रमुख अतिथि जिल्ला समन्वय समिति चितवनका प्रमुख नारायण प्रसाद अधिकारीले एक्सपर्टले विद्यार्थीलाई परामर्श मात्र नदिई सामाजिक क्षेत्रमा पनि उल्लेखीय योगदान गरेको भन्दै प्रशंसा गरेका थिए । कार्यक्रममा भरतपुर–१० का वडा अध्यक्ष परमेश्वर खनाल, शिक्षा विकास तथा समन्वय इकाई चितवनका प्रमुख भूमीलाल सुवेदी, नेपाल पत्रकार महासंघ चितवनका अध्यक्ष नारायण प्रसाद अधिकारी, हिसान चितवनका अध्यक्ष दीपेन्द्र ढकाललगायतले मन्तव्य व्यक्त गर्नुभएको थियो ।
कार्यक्रममा उद्योग वाणिज्य संघ चितवनका प्रथम उपाध्यक्ष चीरञ्जीवी सुवेदी, चितवन उद्योग संघका अध्यक्ष त्रिलोचन कँडेल, भरतपुर हाइट टोल विकास संस्थाकी अध्यक्ष मञ्जु पाठक, नेपाल प्रेस युनियन चितवनका अध्यक्ष अनिल ढकाल, पत्रकार महासंघ चितवनका सचिव दीपेन्द्र अधिकारील गायतको उपस्थिति रहेको थियो ।
कार्यक्रममा चितवनको इच्छाकामना गाउँपालिकास्थित श्री राष्ट्रिय माध्यमिक विद्यालय हात्तीवाङलाई खेलकुदका सामग्री प्रदान गरिएको थियो । एक्सपर्ट चितवनका अध्यक्ष घनानाथ अर्याल, प्रबन्ध निर्देशक डिल्ली राम अधिकारी, प्रमुख अतिथि जिसस चितवनका प्रमुख नारायणप्रसाद अधिकारीले विद्यालयका प्रधानाध्यापक लोकबहादुर मगरलाई हस्तान्तरण गरेका थिए ।
सन् २००३ अगष्ट ८ मा अष्ट्रेलियाको सिड्नीबाट यात्रा थालेको एक्सपर्ट हाल विश्वका १६ देशमा ६० भन्दा बढी शाखा कार्यालयबाट शैक्षिक परामर्श सेवा दिँदै आइरहेको छ । अगष्ट ८ कै दिन एक्सपर्टले विश्वभर नै स्थापना दिवस मनाउँदै आइरहेको छ । एक्सपर्टले हाल अष्ट्रेलियासंगै क्यानडा, युके, युएसए, न्यूजील्याण्डलगायत देशमा विद्यार्थीहरुलाई उच्च शिक्षा अध्ययनका लागि परामर्श दिँदै आइरहेको छ ।
कार्यक्रममा सहभागिहरुलाई एक्सपर्ट चितवनका प्रवन्ध निर्देशक डिल्लीराम अधिकारीले स्वागत गर्नुभएको थियो । सो क्रममा एक्सपर्ट चितवनले हालसम्म गरेका क्रियाकलापहरु समेटिएको भिडियो सामग्री प्रदर्शन गरिएको थियो । कार्यक्रम एक्सपर्ट चितवनका अध्यक्ष घनानाथ अर्यालको अध्यक्षतामा सम्पन्न भएको थियो ।
पत्रकार पौडेललाई एक्सपर्ट शिक्षा पत्रकारिता पुरस्कार
कान्तिपुर दैनिकका पत्रकार रमेश कुमार पौडेल ‘एक्सपर्ट शिक्षा पत्रकारिता पुरस्कार–२०२३’बाट पुरस्कृत भएका छन् ।एक्सपर्टको २०औं वार्षिकोत्सव समारोहको अवसरमा आयोजित विशेष कार्यक्रममा पौडेललाई नगद २५ हजार १११ रुपैयाँ राशीको पुरस्कार प्रदान गरिएको हो ।
कार्यक्रमका प्रमुख अतिथि जिल्ला समन्वय समिति चितवनका प्रमुख नारायणप्रसाद अधिकारी, एक्सपर्ट चितवनका अध्यक्ष घनानाथ अर्याल, एक्सपर्ट चितवनका प्रवन्ध निर्देशक डिल्ली राम अधिकारीलगायतले दोसल्ला, नगद र सम्मानपत्रले पुरस्कृत गरेका हुन् ।
वि.सं२०३५ साल भदौं २२ गते चितवनको नारायणगढमा जन्मिएका पत्रकार पौडेलले २०५७ साल कात्तिकदेखि चितवन पोष्ट दैनिकबाट व्यावसायीक पत्रकारिता सुरु गरेका हुन् ।२०६६ सालदेखि नागरिक दैनिकमा आवद्ध भएका पौडेल २०७४ साल फागुन यता भने कान्तिपुर दैनिकमा कार्यरत छन् ।
‘एक्सपर्ट फुटसल फेस्टा–२०२३’ का विजेतालाई पुरस्कार प्रदान
एक्सपर्टको २०औं वार्षिकोत्सवको अवसरमा चितवन शाखाले आयोजना गरेको ‘एक्सपर्ट फुटसल फेस्टा–२०२३’का विजेताहरुलाई पुरस्कार प्रदान गरिएको छ ।वार्षिकोत्सव विशेष समारोहमा अवसरमा आज फुटसलका विजेता अर्किड कलेज भरतपुर, उपविजेता नारायणी बहुप्राविधिक विद्यालय भरतपुर र तृतीय स्थान हासिल गरेको एपेक्स कलेजलाई नगद, ट्रफी र प्रमाणपत्रहरु प्रदान गरिएको थियो ।
उनीहरुलाई कार्यक्रमका प्रमुख अतिथि जिल्ला समन्वय समिति चितवनका प्रमुख नारायणप्रसाद अधिकारी, एक्सपर्ट चितवनका अध्यक्ष घनानाथ अर्याल, एक्सपर्ट चितवनका प्रवन्ध निर्देशक डिल्ली राम अधिकारी, चितवन जिल्ला फुटलब संघका अध्यक्ष श्रीकृष्ण कार्कीलगायतले पुरस्कार प्रदान गरेका थिए । चितवनका ३२ वटा विद्यालय तथा कलेजहरुको सहभागिता रहेको प्रतियोगिता एक्सपर्ट चितवनको सहकार्यमा चितवन जिल्ला फुबल संघले आयोजना गरेको थियो ।प्रतियोगिताको फाइनलमा अर्किडले एनपीआइलाई ६–२ को फराकिलो अन्तरले पराजित गरेको थियो ।
रत्ननगरमा खुल्ला रक्तदान कार्यक्रम
२०औं वार्षिकोत्सवको अवसरमा एक्सपर्ट रत्ननगर शाखाले मंगलबार खुल्ला रक्तदान कार्यक्रम गरेको छ । एक्सपर्ट कार्यालय बकुलहर चोक परिसरमा विहान भएको रक्तदान कार्यक्रममा कुल १३२ जनाले रक्तदान गरेको एक्सपर्ट बकुलहरकी मीना तिमिल्सनाले जानकारी दिइन् । रक्तदान कार्यक्रमको स्वस्ती वाचन गरेर समुद्घाटन गरिएको थियो ।
