भरतपुर/चितवनभित्र सञ्चालनमा रहेका मेटल तथा फे्रब्रिकेशन उद्योग, व्यवसायहरुमा आवद्ध व्यक्तिहरुको संयुक्त लगानीमा सञ्चालनमा आएको चितवन मेटल इन्जिनियरिङ्ग सामुहिक हार्डवेयर प्रा.लि.ले आफ्नो कारोबारलाई छिट्टै पूर्ण रुपमा सञ्चालनमा ल्याउने तयारी गरिरहेको छ ।
चितवन मेटल इन्जिनियरिङ्ग एण्ड फेब्रिकेशन उद्योग समितिमा आवद्ध मेटल तथा फेब्रिकेशन उद्योगीहरु शेयर सदस्य हुने गरी सञ्चालनमा आएको प्रा.लि.ले आफ्ना सदस्यहरुलाई एकै स्थानबाट बजार मूल्य भन्दा केही सस्तो र सुलभ दररेटमा मेटल तथा फेब्रिकेशनका सामाग्री उपलब्ध गराई सदस्यहरुलाई चारैतिर भौतारिरहनु पर्ने समस्यालाई समाधान गर्न योजना अनुरुप अगाडि बढिरहेको प्रा.लि.का अध्यक्ष तारा बहादुर कार्कीले बताउनुभयो ।
विभिन्न निर्माण सामाग्रीहरु छठ, सिमेन्ट, स्टिल लगायतका सामाग्रीहरुको बिक्री वितरण गर्ने योजनाका साथ सञ्चालनमा आउन लागेको प्रा.लि.मा जिल्लाका अन्य हार्डवेयरका सामाग्री बिक्री वितरण गर्ने संस्थाहरुले समेत प्रशंसनीय कार्य भएको र आफूहरुले समेत प्रा.लि.बाटै कारोबार गर्ने योजना बनाईरहेको प्रा.लि.का उपाध्यक्ष कृष्णप्रसाद भण्डारीले बताउनुभयो ।