देवघाट/लायन्स क्लव अफ नारायणगढ लालीगुराँसको आयोजनामा देवघाट तनहुँमा रहेको समाज कल्याण केन्द्र वृद्धाश्रममा आश्रित वृद्धवृद्धाहरुलाई खाना खुवाउने कार्यक्रम सम्पन्न गरियो ।
लायन्स क्लव अफ नारायणगढ लालीगुराँसकी अध्यक्ष लायन्स दिपिका खड्कीको अध्यक्षतामा सम्पन्न खाना खुवाउने कार्यक्रममा डिष्ट्रिक ३२५ (आर) का प्रथम भिडिजि लायन दिनानाथ न्यौपाने प्रमुख अतिथि, द्धितीय भिडिजि एमजेएफ लायन नवराज सापकोटा विशिष्ट अतिथि, अतिथिहरु डिष्ट्रिक ३२५ (आर) का डिष्ट्रिक एक्जुकेटिभ चिप एमजेएफ लायन प्रभाकर पण्डित, डिष्ट्रिक एक्जुकेटिभ को–चिप एमजेएफ लायन वालगोपाल चुके, डिष्ट्रिक ३२५ (आर) का कलष्टर-४ को कलष्टर चिप लायन विनिता नेपाल, आश्रमकी व्यवस्थापक देवु अधिकारी, क्लवका उपाध्यक्ष लायन गीता ढकाल, सचिव लायन अम्बिका श्रेष्ठ, कोषाध्यक्ष लायन राधा शर्मा लगायत लायन्स सदस्यहरुको उपस्थिति रहेको थियो ।
यसै क्लवकी पूर्व अध्यक्ष हिरा श्रेष्ठले आफ्ना छोरा विशाल श्रेष्ठ र बुहारी सरिता श्रेष्ठको साउन महिनामा पर्न गएको शुभजन्मदिनको अवसर पारेर खाना खुवाउने कार्यक्रमको व्यवस्थापन गर्नुभएको थियो ।