सौराहा/चितवन सौराहास्थित होटल जंगल सफारी लजले ‘पे नाउ गो लेटर’ अभियना अन्तर्गत नयाँ प्याकेज सार्वजनिक गरेको छ। होटलले एक रात बास बसे अर्को रात निःशुल्क बस्न पाइने प्याकेज सार्वजनिक गरेको हो।  होटलका अनुसार प्रतिरात प्रतिव्यक्ति ३ हजार, दुईजनालाई ३ हजार ५ सय र तीनजनालाई ४ हजार रुपैयाँ प्रतिरात प्रतिकोठा लाग्ने छ।

त्यस्तै प्रतिपरिवार (दुई वयष्क र दुई बच्चा) प्रतिरात ५ हजार ५ सय रुपैयाँ र फेमिली सुइट (अधिकतम पाँच वयष्क) लाई प्रतिरात ७ हजार रुपैयाँको प्याकेज बनाइएको होटलले जनाएको छ। सबै दरमा कर जोडिएको छ। याे मूल्यमा ब्रेकफास्ट भने उपलब्ध छैन। ‘नयाँ प्याकेज यो साउन महिनाभरि खरिद गर्न पाइन्छ र आगामी असोज मसान्तसम्म जुनसुकै दिन होटल आएर बस्न मिल्छ,’ होटलका कार्यकारी निर्देशक सुमन घिमिरेले भने, ‘हाम्रो नयाँ प्याकेजले पर्यटक आकर्षित गर्ने विश्वास छ।’  जंगल सफारी लजमा हाल एक सुइट, १२ सुपर डिलक्स र २१ डिलक्स गरी ३४ कोठा सञ्चालनमा छन्।