पूर्ब मन्त्री एवं चितवन निर्वाचन क्षेत्र नं. ३ का सांसद बिक्रम पाण्डेले माडीका समस्याबारे सदन मार्फत सरकारको ध्यानाकर्षण गराउनुभएको छ । शुक्रबार प्रतिनिधि सभाको शुन्य समयको सुरुवातमै बोल्दै उहाँले आफ्नो निर्वाचन क्षेत्र अन्तरगत पर्ने चितवनको माडीका रिउ, बगई, मगई लगाएतका अन्य ठाडा खोलाहरुमा पुल निर्माण कार्य सम्पन्न हुन नसक्दा स्थानीयले सास्ती खेप्न बाध्य भएको बताउँनु भयो ।

२०४७ सालदेखि नै ती खोलामा पुल निर्माण गर्ने विषयले चर्चा पाउँदै आएकोमा आज सम्म निर्माण सम्पन्न नभएको प्रति उहाँले सभामुख मार्फत सरकारको गम्भीर ध्यानाकर्षण गराउँनुभएको हो । वर्षा शुरु भई सकेको अवस्थामा बाटोघाटो र पुलमा समस्या हुँदा विशेषगरी बिरामी र सुत्केरी महिलाहरुको ज्यान जोखिममा रहने गरेकोप्रति उहाँले ध्यानाकर्षण गराउँनुभयो ।