भरतपुर/क्षेत्रपुर–२, चितवन निवासी प्रकाश गुरुङ्गको निवासमा आज आइतबार निकै खुशीयाली छायो । कारण थियो गुरुङ्गकी कान्छी छोरी श्रेया गुरुङ्गले आफ्नो बुबा प्रकाश गुरुङ्गको ४६औं वसन्त पार गरी ४७ औं वर्षमा प्रवेश गरेको अवसरमा प्रदान गरेको बर्थडे गिफ्टले । गुरुङ्गकी कान्छि छोरी श्रेया गुरुङ्गले बुबाको जन्मदिनको लागि तीनदिन अघिदेखि बर्थडे गिफ्ट तयारी गरेकी रहेछिन् । उनको गिफ्टसँगै एकछिन गुरुङ्ग अलमलमा पर्दै दङ्ग पनि परे ।

लकडाउनको अवस्थासँगै सोसल डिसटेन मेन्टेन गर्दै आफूलाई माया गरी सम्झेर आएका केही आफन्त, साथीहरुलाई बर्थडे केक खुवाएर आफ्नो ४६ औं जन्मोत्सव मनाए चितवन फिजिकल फिटनेश सेन्टरका प्रबन्ध निर्देशक प्रकाश गुरुङ्गले । उनी भन्छन् आजको दिन मेरो लागि निकै महत्वपूर्ण दिन भएता पनि मैले खासै ठूलो जमघट नगरी आफ्नो जन्मोत्सव मनाउन पाएँ । मेरो जन्मदिनको अवसरमा आज जसजसले विभिन्न सामाजिक सञ्जाल, प्रत्यक्ष वा अप्रत्यक्ष रुपमा शुभकामना दिनुभयो उहाँहरुको मायालाई मैले कहिलै मनबाट टाढा गराउने छैन उहाँले खुशी हुँदै भन्नभयो । जन्मदिन होस् या मेरा जीवनका महत्वपूर्ण क्षणहरुमा साथ दिने मेरो धर्मपत्नी लक्ष्मी गुरुङ्ग, छोरीहरु मारिया, श्रेया गुरुङ्गको साथ र सहयोगलाई कहिल्यै बिर्सन नसक्ने उहाँको भनाई थियो ।

चितवन फिजिकल फिटनेशका प्रमुख सल्लाहकार राकेशमान श्रेष्ठ, पत्रकार राजु भट्ट, युवा व्यवसायी एवं समाजसेवीहरु सुशिल कुमार जोशी, सूर्य हल्क, राजेश गुरुङ्ग, यम बहादुर गुरुङ्ग, विक्रम श्रेष्ठ, कृष्ण गुरुङ्ग, निरबहादुर गुरुङ्ग, कृष्ण श्रेष्ठ, रोशन थापा, कृष्ण थापा, चितवन जिमका प्रशिक्षकहरु राजेश श्रेष्ठ, सुरेश राजवंशी लगायतले गुरुङ्गलाई जन्मदिनको अवसरमा शुभकामना व्यक्त गरेका थिए ।