नारायणी नदीमा अाएकाे बाढीले भरतपुर महानगर वडा नं २८ स्थित तामाङ टाेलनजिकै कटान गर्न थालेपछि तत्काल कटान राेक्नेगरी काम गर्ने तयारी गरिएको छ। गएरातिदेखि नदीमा पानीको सतह बढि कटान गर्न थालेपछि स्थानीय प्रशासन र महानगरका मेयर सहितकाे टाेली निरिक्षणका लागि पुगेकाे छ। कटान क्षेत्रकाे अवलाेकनका लागि चितवनका प्रमुख जिल्ला अधिकारी नारायण प्रसाद भट्टराई ,भरतपुर महानगरका मेयर रेनु दाहाल,चितवनका प्रहरी प्रमुख नान्तिराज गुरुङ,शशस्त्र र अनुसन्धानका प्रमुख एवम् नारायणी नदी व्यवस्थापन अायाेजनाका प्रमुख समेतकाे टाेली साे क्षेत्रमा पुगेका थिए। उनिहरुले कटान क्षेत्रमा स्थानीयसंग जानकारी लिएका िथए। स्थानीयले गएरातिदेखि तामाङ टाेल नजिकै कटान शुरु गरेकाे जानकारी गराए। गतवर्ष पनि साेहि क्षेत्रमा एककिलाेमिटर माथि कटान गरेपछि महानगरकाे अगुवाइमा नारायणी नदि व्यवस्थापन अायाेजनाले कटान राेकथामकाे काम गरेकाे थियाे । कटान राेक्न तत्काल हरसंभव उपाय अपनाउने अाश्वासन स्थानीयलाई त्यहा पुगेका सराकारवालाले दिएका थिए। भरतपुर महानगरका मेयर रेनु दाहालले नारायणी नदी व्यवस्थापन अायाेजनाका प्रमुख मेखनाथ शर्मालाई ठूलाे बाढी अाउनु अगावै काम सक्नेगरि तत्काल याेजना अगाडि बढाउन निर्देशन दिनुभयाे। उहाँले जाेखिम न्युनिकरण र दिर्धकालिन समस्या समाधानकाे लागि बिस्तृत याेजना प्रतिवेदन तयार भइसकेकोले नारायणी नदीबाट हुने क्षति अब केही बर्षमा स्थायी समाधान भइसक्ने जानकारी दिनुभयाे। नारायणी नदी व्यवस्थापन अायाेजना प्रमुख शर्माले तत्काल समस्या समाधानकाे लागि ठूला ढुङ्गा राखी कटान राेक्नेगरि काम अगाडि बढाउने अाश्वासन दिनुभयाे। उहाँले साेहि क्षेत्रमा काम गरिरहेकै उपभोक्त समिति मार्फत काम गराएर एकसातामै काम सक्ने जानकारी दिनुभयो । चितवनका प्रमुख जिल्ला अधिकारी नारायणप्रसाद भट्टराईले बर्षात अगावै खाेलानालामा बाढी अाउन थालेकाले सवै स्थानीय तहले बेलैमा संभावित जाेखिमबारे अाँकलन गर्नुपर्ने वताउनुभयाे। उहाँले विपत व्यवस्थापन समिति पनि बर्षातका कारण अाउने जाेखिम कसरी कम गर्न सकिन्छ भनी तयारी अवस्थामा रहेकाे जानकारी दिनुभयाे।
Advertisement
